【書展2019】灣仔周邊9間美食！平價日菜、人氣漢堡、台式滷肉飯
《掃街攻略》今集來到灣仔！書展2019即將舉行（17/7，星期三），行完書展當然要去醫土，即帶你去灣仔食好嘢，有限定推出$188任食墨西哥自助晚餐，還有$20起平價居酒屋、奧巴馬都食人氣漢堡包店等，灣仔掃街出發！
【1】$188任食墨西哥自助晚餐@Coyote
自助晚餐如於酒店食的話最平都要三百蚊落樓，想食平啲但又想食自助餐，這間西餐廳推出$188任食2小時西餐，當中有逾30款主菜任食，湯品、沙律、前菜、甜品所部任食，當中有的牛油果莎莎墨西哥餡餅、美國卡珍燒牛肉、醬烤豬仔骨、燒春雞、墨西哥脆片等，選擇非常多，而且菜式單點唔平，這樣吃2小時好易回本！
按圖睇「Coyote」有咩食！
$188任食墨西哥自助晚餐優惠詳情：
日期：即日起至8月31日
收費：$188（另收加一服務費）
時間：限定星期一至四 6pm-11:30pm
Coyote Bar & Grill
地址：灣仔駱克道114-120號嘉洛商業大廈
營業時間：星期一至日 12nn-2am
電話：2861 2221
【2】$20起平食豐洲肥美海鮮@246食堂
店名246，是代表店內日本料理標價為$20、$40和$60，就可以嚐到日本豐洲肥美海鮮，食堂價錢親民，但食材來貨不馬虎。店內料理採用來自前身為築地的豐洲水產直送的海鮮，肉質鮮甜肥美，用來做刺身、壽司、天婦羅、鍋物烏冬等，$60就可以吃到和牛壽喜燒，抵食！
按圖睇「246食堂」有咩食！
246食堂
地址：灣仔謝斐道415-421號積福大廈地下B舖
營業時間：星期一至日 12nn-3pm(last order 2:30pm)；6pm-11pm(last order 10:30pm)
電話：2808 0292
備註：最低消費$100，設加一服務費
【3】奧巴馬都去超人氣漢堡包店@Five Guys
這間主打漢堡、熱狗的連鎖快餐店經已在美國有超過30年歷史，於全球有過千間分店，奧巴馬、Justin Bieber都有去食。其賣點是大大份漢堡包，用新鮮免治牛肉製作，充滿肉汁，一個女生去吃真的吃不完；薯條鮮炸厚肉，會令人不自覺地吃不停。
按圖睇「Five Guys」有咩食！
Five Guys
地址：灣仔莊士敦道60號地下
營業時間：星期一至日 11am-10pm
【4】溏心蛋車仔麵逾30款配料任揀@笑麵虎車仔麵
港式平民美食之一的車仔麵，再也不是由小販們推著車仔，以豬骨清湯，淋在鋪滿豬皮、魚蛋、大腸、豬血的油麵這麼簡單，這間新派車仔麵店，掛上霓虹燈牌的裝潢，復古得來，又可以供人一個影相機會，將傳統香港特色的美食與時並進。車仔麵特色就是夠多配料選擇，這裡有超過30款配料，豬血、豬皮、大腸都是基本，還混合了日式元素，溏心蛋、五花腩、日式叉燒等，將港式美食變奏。
按圖睇「笑麵虎車仔麵」有咩食！
笑麵虎車仔麵
地址：灣仔皇后大道東94號地舖
營業時間：星期一至六 11:30am-8pm；星期日休息
【5】碧咸都讚矜貴尾崎和牛沾麵@Mashi No Mashi
碧咸早前於3月10號旋風到港，咸爺幫襯了一間沾麵店，店舖原來大有來頭，號稱「和牛界黑手黨」高檔食店Wagyumafia的同一班底開設，主打和牛沾麵，同樣採用脂肪分布均勻的頂級尾崎牛（Ozaki Beef），大大塊腩片燒至半熟，再配以和牛熬成的沾汁、韌彈麵條，難怪碧咸吃完都大讚So Good！店舖就像日本傳統的麵店，座位不多，於門口設有自動售賣機，客人需先買票再入座。店內除供應沾麵外，還可點和牛丼、餃子等食物，消費約數百元，喜愛和牛的朋友可以一試。
按圖睇「Mashi No Mashi」有咩食！
Mashi No Mashi
地址：灣仔愛群道32號愛群商業大廈地下1B號舖
營業時間：星期二至六6pm起營業，至食物售完為止
電話：2812 0500
【6】懷舊場景台灣菜@1963 木十豆寸
灣仔有不少舊唐樓，在某幢唐樓的二樓，有間懷舊味甚濃的台灣小館「木十豆寸」＝「樹」。推開門先映入眼簾的是「影視感」十足的佈局與格調，令人仿如置身「花樣年華」的片場內，六十年代的鐵窗、碎花牆、舊衣車、印刷機、百合花唱盤、髮廊旋轉燈等，一切湊合起來帶你穿越時空回到過去。
按圖睇「1963木十豆寸」有咩食！
1963 木十豆寸
地址：灣仔灣仔道110號中匯大樓2樓
營業時間：星期一至日 12nn-10pm
電話：3105 0160
【7】北京烤鴨炸雲吞皮煎餅@御廚煎餅
這間烤鴨煎餅小店，會看到師傳在鐵板上倒下粉漿，聽到滋滋聲隨之響起，聞到陣陣烤鴨醬味，令人流晒口水，即刻想叫份北京烤鴨煎餅。師傳先將滑溜的粉漿，在熱辣辣的鐵板上煎熟，加隻蛋再煎香。煎餅皮雖然薄，但煙煙韌韌，塗上秘製的烤鴨醬，非常惹味！與坊間的煎餅不同，這裡會加炸過的雲吞皮在內，入口更脆、更有咬口。
按圖睇「御廚煎餅」有咩食！
御廚煎餅
地址：灣仔灣仔道181號長春大廈A舖
營業時間：星期一至日 11:30am-9pm
【8】中式牛腩三文治@Bread & Beast (Kong)
由糖廠街市集做到入店，三文治起家，餡料破格從中式牛腩取靈感，以柱候醬慢煮，配醃白蘿蔔，本來見於牛腩麵的材料一下子飛到三文治，大受食客歡迎，口感與味道出奇地夾。非一般的三文治，四年來一直帶領小店愈走愈遠。七八十元的三文治可能有人嫌貴，不過大大份柱候牛腩、叉燒豬頸肉或炸雞夾在三文治中間絕不欺場。更值一提是腐乳蓮藕片，平心而論既香脆，味道好，腐乳醬好比焦糖包裹蓮藕片，加少少蔥花，令人欲罷不能，若然配啤酒該相得益彰。
按圖睇「Bread & Beast (Kong)」有咩食！
Bread & Beast (Kong)
地址：香港灣仔汕頭街3號地下
營業時間：星期一至六 12nn-3pm、5pm-11pm；星期日 10am-4:30pm
電話：2237 1868
【9】搶眼健康椰子殼沙冰@Supabowl
還未到晚飯時間，但中間又口痕想食啲嘢，這裡有一個影相造型搶眼的椰子殼沙冰Cocobowl，底層是巴西莓加椰子水，水果有士多啤梨、藍莓及香蕉，搭配南瓜子、椰子片及脆麥片，純素者可享。話明唔想食太飽，叫一個兩份食都好夠，留肚一陣再食過！
按圖睇「Supabowl」有咩食！
Supabowl
地址：灣仔汕頭街4號地下A1號舖
營業時間：星期二至五 8:30am-7pm、星期六 10am-7pm、星期日 10am-6pm
電話：3565 4379
《掃街攻略》掃勻18區美食😋
👉👉【九龍城掃街】5大城寨美食！巨型雞髀、椰青波、368層手工蛋撻
👉👉【旺角掃街】一田MOKO重開！近19,000呎超市集11間人氣食店
👉👉【大圍掃街】搵食市集14店食盡中西港日台 街坊價必吃腸粉豆腐花
👉👉【大埔掃街】街坊推薦隱秘街道搵食！另8吋熱狗、40年老牌燒賣