【香港01 X ICMA大專聯校歌唱比賽】5hz：唱歌會為我們帶來自信心
今年【香港01 X ICMA大專聯校歌唱比賽】決賽將於6月26日在麥花臣場館舉行，規模盛大，絕對難得！初賽及複賽已順利舉行，現已進入決賽最後階段，並設有人氣投票活動，支持心水參賽者，歌王歌后你有得揀，投票者更有機會贏取豐富獎品！
以下為參賽者【1】5hz自我介紹。
5hz
學校：香港恒生大學(HSU)
科目：BBA
年級：Year 1
唱歌唔單止係一種興趣，唱歌亦都係一種自我肯定嘅方法
大家好，我哋係5hz!
5hz 係由5條友組成既 Band,我哋嘅平均年齡大概係18.6歲，最細個就係我哋Vocal Vivian，最老係我哋鼓手阿正，但其實佢都唔係好老㗎咋！中間個啲呢就係結他手 Clovis, 琴手 Eve, 仲有 Bass 佬 Jed。
我哋隊Band都係啱啱組成咗半年，依家仲摸索緊我哋嘅風格，而Eve 同Clovis平時鐘意聽啲Soul嘢，Vivian就鐘意聽R&B，咁鼓佬正鐘意聽Punk，Jed就鐘意聽Rock，呢5條友咁九唔搭八，究竟係點樣走埋一齊呢？其實我哋大部分人都係讀CityU Creative Media ！我哋入面有4個都係Year1。希望將來會見到大家！同埋希望大家都可以投票支持下我哋啦！
我係Vocal Vivian，我細細個就已經好鍾意唱歌㗎喇，小學嘅時候都有參加合唱團同埋參加唱歌比賽。中學時期就有參加校內同校外唱歌比賽，而且都拎到唔錯嘅成績，所以我對唱歌嘅熱誠越黎越大，更加鍾意唱歌。
唱歌會帶比我一種自信心，令我個人會有返自信，而且我會用唱歌嚟減壓，見到自己偶像做到嘅歌唱技巧我都會自學練習，慢慢就覺得唱歌唔單止係一種興趣，唱歌亦都係一種自我肯定嘅方法。
參加比賽對我黎講係一個自我突破嘅方法、形式，同時都係我學習嘅好機會，聽到唔同評判嘅意見可以改善自己不足嘅唱歌技巧和表演方式，所以我哋參加嘅比賽除咗可以令我提高自信心同減壓，亦可以令我遇到志同道合嘅朋友，就好似呢個比賽令我認識到我嘅Band友們，一齊分享、交流音樂。
▼▼▼▼點擊欣賞好聲音▼▼▼▼
決賽詳情
日期：2019年6月26日（星期三）
地點：旺角麥花臣場館
購票詳情：
門票價格 -$130/$150 ＜購票請按＞