【恒生大學】升格做全港第二間私大 終於可以大叫「恒大有落」
撰文：過期大學生
出版：更新：
1
0
0
0
0
行政會議正式宣佈，將恒生管理學院升格做大學，並正名為「恒生大學」。對於一群恆管學生而言，這不只是大學的升格，更是代表著身份的改變。
今日，我終於可以大大聲咁，喺小巴大叫「恒大有落」，好多連登仔高登仔，成日笑＿我哋系含大，而家就真系含辛茹苦終於變大學喇。
升格大學其實諗都冇諗過，大把大專排緊隊，點知一系唔變，一變就好似美源發彩咁，立即變大，得，得咗。
放榜之後，去咗樹仁排隊，睇見佢哋成間中學咁，不過都頂硬上，可惜佢哋冇畀一個頂硬上的機會我，兩手準備，報埋恒大，收咗。
入去嗰陣，諗起嗰篇潮文，「有數棟好有霸氣嘅既建築物，坐立喺山與屋村中間」雖然見唔到地盤佬，但都忍唔住笑左。
叫落車果時，我都系冇膽叫，「恒大有落唔該」，一來怕畀人笑，二來真系唔系恒大嘛。
讀左幾年，話冇歸屬感就呃你，但系咪好開心呢，又唔算，係為我老母開心囉，因為佢個仔終於系一個大學生。
仲記得當初決定入，好多人話佢系學店，學費要8皮，對自己同屋企都好大負擔，可能天份唔夠，但我都真系想讀書，有時我都會笑自己學校系含大，但我心底裏都知道，系佢畀咗機會我。
下次返去，我就真系可以大叫「恒大有落」喇，咪＿再笑我！
