涼鞋著襪畫蛇添足？ 戴黑色口罩好MK？ 看不懂的奇怪衣著潮流
你可曾穿過一些衣裝招來旁人怪異目光？究竟在大家心目中，哪些衣著潮流屬於怪異？原因是甚麼？看看自己是否榜上有名吧！
近日，《Opener》記者Millie訪問20多位年輕人，了解他們認為奇怪的衣著潮流是甚麼，傾聽他們對衣著打扮的心得及看法。同時，記者亦親身上鏡分享自己對奇怪衣著潮流的想法。
【LV1】涼鞋搭配襪
大部分受訪者認為涼鞋設計是為了透氣，
穿上襪就畫蛇添足。
Tiffany說：「涼鞋嘅目的唔係露腳指咩」
Fung表示：「著涼鞋應該係涼爽啲㗎嘛，
又著住對襪焗住。」
Jack說：「你本來著涼鞋係無必要著襪㗎嘛！
你著住對襪做乜春姐。」
受訪者梁小姐喜歡穿涼鞋時搭配襪，
她解釋：「有時腳趾唔想畀人睇到，
又想舒適啲，
就會襯襪同埋涼鞋。」
【LV2】空氣瀏海
空氣瀏海是在前額留有少撮頭髮，
目的是修飾面形，
同時更顯年輕。
不過部分受訪者卻看不懂空氣瀏海的潮流，
Joyce說：「空氣瀏海有啲人剪到好似barcode咁！」
楟楟笑言：「依家啲空氣瀏海空氣到好似個啲環珠格格。」
不過，
剪有空氣瀏海的Jasmine 解釋：
「空氣瀏海係因為唔想焗住個頭，
有機會生暗瘡就唔係咁好。」
同意：「無咗幾條毛又好空虛囉個額頭，
有就有啲點綴嘅feel囉。」
【LV3】爛牛
爛牛是牛仔褲上出現大小不一的破洞，
但並非每位受訪者都讀懂爛牛的魅力，
尤其是當爛牛爛得過份時。
受訪者悅表示：「我啲friend真係爛到上大脾，
我話你唔好著褲啦不如。」
Stephy及Kathy：「從依到開始穿，
跟住變成短褲個啲呢，
依到全部都爛嘅。」
喜歡穿爛牛的記者Millie強調適當的爛是可以接受的，
並表示：「穿窿牛仔褲望落去型啲！」
她笑說：「著短褲可能會被蚊咬，
但著穿窿牛就可能唔會畀蚊咬。」
【LV4】著鞋踩踭
Jack揶揄：「你著鞋本來套埋隻腳落去嘅，
無啦啦踩住佢做咩姐？」
Richard不解地說：「點解要踩個踭，
唔可以好地地著住對潮啲嘅？」
記者Millie回應時說：「著拖鞋只可以一種著法，
就係穿隻腳入去。」
她笑言：「如果著踩踭鞋，
你可以開心就踩，
唔開心就唔踩，
好有自由度。」
【LV999】黑色口罩
大部分受訪者都不理解為何有人喜歡戴上黑色口罩，
Gordon說：「黑色口罩？做乜嘢呀？
係咪唔舒服呀?
唔舒服口罩有綠色有藍色，
唔一定要黑色㗎喎！」
Lydia表示：「有少少誇張囉，
即係我哋香港暫時都應該未有霧霾嘅，
咁就唔使帶住口罩周圍走啦。」
戴著黑色口罩的阿Wing回應：
「我都戴過灰色、白色，
但我覺得黑色好睇，
感覺低調啲。」
他續道：「做番自己就得，
我鍾意戴口罩就戴口罩。」
相關文章：【求職面試】老細遲到 HR刁難 4個見工經典問題 你會點答？
每人崇尚的潮流風格不一，
喜好的衣著也不盡相同，
最重要的是找到自己的風格，
恰如受訪者Xavi所說：「有咁多種style其實唔緊要嘅，
但最緊要搵到自己鍾意嘅style最好。」
Bianca表示：「忠於自己就得啦。」
庭庭說：「理得你，
我著嚟自己開心關唔關你事。」
不過所有受訪者認同，只要顏值高，
再奇怪的衣著也是十分好看的。
Winki表示：「樣係可以彌補一切。」
Tiffany和Chloe說：「總之靚女就Carry到㗎啦！」
Jen所說：「一分性格，九分樣，九十分身材。」
為這題目劃下完美句號。