香格拉去葵廣買衫 挑戰$150換新造型 「我好享受講廣東話行街」
三年前，香格拉還說著一口「唔鹹唔淡」的廣東話，今時今日，她的廣東話已變得相當流利。「我好享受講住廣東話喺香港逛街，感覺特別融入香港文化。」明明是純正的外國人，究竟是甚麼原因，驅使她努力學習廣東話呢？
葵涌廣場是逛街和掃街的天堂，亦是香港年輕男女的熱門「蒲點」。如果說中環、銅鑼灣、尖沙咀等等的旺區，反映了香港的繁榮；那葵廣應該代表著香港樸素和人情味的一面。
【女大學生受訪談畢業迷惘 當發現攝影師是偶像陳柏宇時有何反應？】
平時在葵廣，較少看到遊客的面孔，可說是屬於香港人的「小秘密基地」。既然香格拉既精通廣東話又熱愛香港文化，《開罐Opener》記者就決定，要求香格拉在葵廣接受挑戰！香格拉平日多作少女風的打扮，如果要她以$150在葵廣進行形象大改造，她又能否成功呢？去片！
「成世人未學過咁複雜嘅語言！」
香格拉來自瑞士，她的父母分別來自西班牙和巴西。她本來就精通四個語言，包括：法文、西班牙文、葡萄牙文和英文，而廣東話是她第一次學習的亞洲語言。香格拉極具語言天份，但想不到連她也說：「講廣東話同學廣東話真係好唔容易，冇試過學一個咁難嘅語言！」
【小學生仲識幾多廣東話？ 「我唔知我講普通話定粵語 分唔到」】
廣東話有九個音調，而且有口語和書面語之分，文法又與外語完全不同，對香格拉來說是完全陌生的語言體系。除了要學習語句，她認為發音也是一大挑戰，因為說錯字隨時引起誤會和笑話。「有時都講錯變咗粗口，所以會驚再講依個字會變咗粗口。」而香格拉口中的這個字，就是－「難」，能想像嗎？假如發錯音就會變成......雖然一不小心說錯話會成為別人的笑柄，但香格拉一點也不介意，「真係成日都會咁樣㗎，不過都幾好，因為我講得唔啱就會變一個好搞笑嘅意思，或者就令到人有笑啦，咁就都唔緊要啦 。」
難學為甚麼還要學呢？
常說香港人崇洋，但原來外國人也會「崇亞」。在香格拉還未定居香港，仍住在瑞士的時候，已經很鍾情於亞洲的文化。她更有一個夢想，就是學習一個亞洲語言。她曾想過學韓文、日文或普通話，但最後卻決定要學習廣東話，原因和她在瑞士遇到的朋友有關。
【90後回憶】初代YouTuber Ruby Close 「覺得網民改變我好多」
「其實我以前住瑞士嘅時候呢，認識咗好多香港朋友。有時佢哋會一齊自己講廣東話出嚟，咁我都好想入佢哋文化，想學廣東話同佢哋可以傾計啊嘛，跟住都慢慢開始對香港文化有興趣。」她認為香港最吸引她的地方，就是不像瑞士那麼悶。香港的生活節奏很快，例如即使在同一個地方，短時間內已經可以有很大變化，「同埋都有一樣嘢好吸引我，就係香港人好勤力囉，諗嘢又快、做嘢又快，依三樣嘢覺得好吸引嘅！」
遇見外國人講廣東話 香港人特別熱情
當香港人看到外國人的時候，很自然地會認為她一張口便說英文，但發現對方竟然是說廣東話，必定會感到無比震驚和意外。「好多次都係咁㗎啦，佢哋一定會嚇親囉！通常第一條問題都係問我，『吓，點解你識講廣東話嘅?』之後就『你係咪住依到㗎？』『你喺邊到長大㗎？』都幾好笑！」
【打機非男仔專利！ YouTuber蔥蔥:「打緊機先係真正嘅我】
而且很窩心的是，當她作為外國人又懂得說廣東話，香港人會變得更加熱情。「啲人係會好welcome你嘅，咁你就會感覺到好似融入咗香港嘅文化。」假如遇到人們稱讚自己廣東話說得好，或者有進步的時候，更加像是額外的「獎勵」！
「香港講廣東話先岩㗎喎！」
要香港人以英語作簡單對答，應該不是甚麼難事，為甚麼香格拉卻堅持說廣東話？「因為其實我覺得如果你開始住一個國家，咁你一定要習慣依個文化，你一定要試下學依個語言㗎。」假如不懂說廣東話，和當地人溝通時始終會有障礙，不會像現在那麼親密，一些笑話又未必懂得一起笑。但當一起說廣東話的時候，就像打破了國籍的隔閡。
「因為我係一個外國人，我唔係依到出世，唔係依到長大，咁我嚟香港應該要揀香港點做囉。咁如果香港人想講廣東話，我會同佢哋溝通講廣東話囉。」但很可惜的是，她察覺到香港人漸漸忽略自己的文化。「香港好似慢慢開始唔理自己嘅文化，唔照顧自己嘅文化。因為啲人愈來愈忙，愈來愈多嘢做，咁就覺得依樣嘢幾傷心囉。」旁觀者清，大概是這個意思吧。當連外國人也認真看待廣東話，香港人又有努力悍衛自己的母語嗎？
我好鍾意廣東話，因為每一個字係好特別囉。我覺得廣東話同其他語言真係冇得對比，佢真係有自己嘅characteristic，自己嘅特別嘢囉。
YouTube FanFest將於8月3日（星期五）舉行，屆時Shangrila香格拉、譚杏藍（小花）、JW 王灝兒、MC Jin、RubberBand、Ms. Yeah 辦公室小野等等均會出席作表演嘉賓。有興趣的粉絲們可於當日到YouTube FanFest的YouTube channel觀看直播。