網絡插畫家Johnee Lau成功不代表發達買樓 「人生唔止一個方向」
香港地大部分人都有同一個夢想，就是向上流，然後「上岸唞唞」。
本地插畫師師Johnee Lau劉冠瑤就不認同這種價值觀，笑指入行8年，字典裡從沒有「上岸」二字，仍堅持繼續追畫畫夢。
「人生唔止得一個方向，向左流又得，右流又得」。
【點擊全螢幕觀看短片】
Galaman創作人「畫名」成名
Johnee是「核突系」插畫Galaman的創作人，
最為人熟悉就是玩食字，
數年前就曾在高登開post，
邀請網民講出男/女神名稱，
快速將名稱化成畫作，
引起網民熱議。
早前有讀者投稿，
指在街上遇到Johnee搞街頭活動，
希望透過投稿鼓勵大眾支持本地創作。
這次《開罐》就請來Johnee，
訴說他的創業故事。
出道後有6年過著乞食生活
畢業8年，
Johnee一直在插畫界接freelance工作，
現時亦有在HKDI當客席講師，
形容自己生活猶如宅男。
「有5年時間冇去唱K、
食飯、行街買衫去旅行嗰啲......
一啲正常人有的消遣，
我一樣都冇呀，
我就每日喺屋企畫畫畫畫畫。」
Johnee現在平均每個月收入約2萬元，
曾經都過著窮困生活。
「呢8年我大概有6年的時間，
過著一啲乞食的生活。
搵返來的錢只係夠維持我我生命，
唔夠維持我的生計。」
成熟=買樓結婚生仔？
中國傳統常說「三十而立」，
80後的Johnee快將30歲，
做插畫雖然收入不穩定，
但Johnee就指不想
跟著社會的規範人生做人。
「邊個話30歲就要好成熟？」
我們從小就被灌輸要努力讀書，
長大後向上流動，
做一個成功人士。
Johnee都曾經這樣「安分守己」做人，
但發覺活得一點都不快樂。
「人生裡面有超過一半時間都係
用喺你工作上面。
如果你做緊一啲你唔鍾意嘅嘢，
你會覺得好痛苦。」
放棄做全職教師全心創作
Johnee曾經因為創作上遇到挫折，
當了2年全職講師，
收入比起做freelance穩定得多，
但Johnee漸漸發覺自己
成為了學生時代鄙視過的人。
「如果我自己都放棄做創作，
然後選擇咗安穩嘅教書
去維持生命嘅時候，
我又點教我啲學生，
其實香港做創作係可以搵到食？」
因此，Johnee辭去全職教師工作，
再次投身freelance行列。
考試制度下的失敗者
小時候夢想當文人的Johnee，
自嘲是考試制度下的失敗者。
Johnee高考滑鐵盧不夠分修讀文學，
修讀美術後又被老師批評畫作：
「好多Tutor都會鬧我，
你畫嘅嘢一啲美感都冇，
做唔到視覺傳意，
唔明我畫緊乜。」
但一次作品展，
有觀眾留言指很喜歡Johnee的作品，
看過展覽後令自己也想修讀設計，
令Johnee下定決心繼續升學。
「我做緊嘅創作原來都可以鼓舞到年輕人，
搵到佢哋想做嘅嘢，
先開始升學繼續讀動畫，
做咗我人生裡面第一個代表作Galaman。」
另看：【有片】以為係廚師 原來係插畫師 當我遇見畫名Johnee
遲來的反叛
Johnee還記得一次和媽媽到茶餐廳吃飯，
媽媽拋下一句：
「不如你都係正正經經搵份工啦」
Johnee突然高聲豪言：
「我自己人生我自己負責！」
當時附近食客都以奇異目光看著他。
「我細個都係一個順應民意嘅一個人，
大家想我做乜我就會跟住佢去做。」
Johnee形容自己是遲了反叛，
長大後反而有了新覺悟。
「唔認老繼續去做自己想做的事，
自己過得開心就得，
但要對自己嘅選擇負責。」
Johnee不時都有到市集擺檔，
但表示宣傳成效始終有限，
因此，Johnee亦有積極參與各種展覽，
希望能令作品有更多人認識。
「都有參加一啲展覽例如，
香港國際授權展、書展、DesignInspire，
去開展覽搞workshop，
嗰啲場合就可以接觸潛在客戶，
讓其他品牌認識我。」
「廢青」有另類夢想
所謂「人生勝利組」的bucket list，
可能是買樓結婚生仔，
而Johnee就希望一生人
可以體驗心儀的10個職業。
「某一類人眼中，
我係一個廢青，
我係對社會沒貢獻嘅人。」
除了當插畫師，
Johnee亦有其他興趣夢想，
例如當作家，
希望有朝一日可以出書。
「樣樣嘢做少少，
做唔到一個頂尖，
但我唔介意。」
如果我搵到一筆錢可以夠畀首期嘅話，我都唔會喺香港買樓囉，可能係環遊世界，拎嚟做我想做嘅事。