【80後90後召集】10個成長必讀急口令　雞貴龜貴有共鳴

小學開始，同學們就在鑽研急口令。「入實驗室㩒緊急掣」、「郵差叔叔送信純熟迅速送出」，幾乎每讀一次，身邊人都會笑一次，所以閒來一次急口令，應該係增進人與人彼此關係，都有莫大幫助。
直至兩年前，當時無綫《創富坊》女主持林芷彤，用15秒驚人時間讀出140艱澀難讀的免責聲明「以上嘉賓係金管局同證監會嘅持牌人，以上談及嘅結構性產品並無抵押品…」，彷彿為急口令定下一個新定義。

【點擊「全螢幕」觀看影片】

1  林芷彤代表作 15秒讀140字

以上嘉賓係金管局同證監會嘅持牌人，以上談及嘅結構性產品並無抵押品，如發行人無力償債或者違約投資者可能無法收回全部或部分應收款項，結構性產品嘅價格可以急升或者急跌，投資者有機會蒙受投資嘅全盤損失，而過往嘅表現並非未來表現嘅指標，所以投資前呢請參閱相關嘅上市文件作出風險評估，同埋尋求專家嘅意見。

最近林芷彤便加入了
「耀才財經台」做主播，
兩個月前更製作新片rap財經，
坐在主播枱前豁出去，非常精彩。

2 經典麥當勞巨無霸急口令

麥當勞1984年推出急口令大賽，
「雙層牛肉巨無霸，醬汁洋蔥夾青瓜，
芝士生菜加芝麻，人人食過笑哈哈」，
時至今日，
很多人都仍然出口成文，記憶猶新。

3 麥兜都讀唔到的郵差叔叔

郵差叔叔送信純熟迅速送出。

4 外國人挑戰一蚊一斤龜

有正在學廣東話的外國人，
曾經拍片挑戰急口令。
「一蚊一斤龜，七蚊一斤雞，
佢話龜貴過雞，我話雞貴過龜，
咁究竟龜貴過雞定係雞貴過龜？」

5 痴線蜘蛛啲蜘蛛絲黐住枝樹枝

6 姨媽而家去宜家家俬買而家啱用嘅宜家家俬

7 床腳撞牆角，牆角撞床腳， 你話床角撞牆角定牆角撞床腳。

8 各個國家有各個國家嘅國歌。

9 郭藹明見過郭可盈，話郭可盈個袋型，郭可盈叫郭藹明過海改個袋型，改成郭可盈袋個袋型。

10 搵隻斑馬同個班長。跟住班長騎住斑馬，去頒獎台頒獎章。