營多撈麵你不知道的6件事　產地不止印尼？不應叫撈麵？

十個大學生，十個半都會食過營多。營多在嶺大還有另一個名字，叫低調麵，取「抵X麵」諧音，顧名思義，營多售價便宜又飽肚，好抵。吃過營多沒有十年也有八載的你，由今日開始，除咗食，不如都了解下陪伴你幾個寒暑嘅營多撈麵？

 請點擊「全螢幕」觀看影片 

1.　Mi Goreng點解？

營多撈麵在印尼發明，
包裝上的Mi Goreng自然是印尼語。

Mi，代表麵；
Goreng，代表炒。
所以其實營多撈麵應是營多炒麵！

2.　印尼麵食出現因糧食短缺？

1966年，
印尼糧食短缺，
當時的總統蘇哈托向美國求助，
美國便向印尼輸出稻米及小麥。

但由於當時印尼人不太習慣食小麥，
印尼人便將小麥磨成麵粉，
再製作成麵條食用。

3.　營多點發跡？

自從小麥進口，
印尼小麥人均耗量由1966年的300克，
上升至2010年的18公斤。

事實上，
營多並非印尼第一個麵食品牌；
第一及第二個印尼麵食品牌，
分別為Supermi及Djajadi。

Indomie最初其實是由Djajadi創立，
但三林集團於1984年與Djajadi成立合營公司，
後期更收購Supermi。

三林集團期後取得合營公司控制權，
正式主導印尼麵食市場。

4.　產地唔止係印尼？

印尼撈麵乜唔係喺印尼做？
早在1996年，
營多已經在尼日利亞建廠，
並於埃及、蘇丹及肯尼亞等地設廠。

而在2015年，
更在摩洛哥興建第六個位於非洲的廠房。

5.　為何成大學生至愛？

1990年，
印尼華僑呂凌鳴父母，
取得營多代理權。

有代理權，點宣傳先好？
即食麵類食物，
最好就是向大學生埋手。

1993年，
呂凌鳴決定贊助大學迎新營，
主動帶營多入大學生市場，
嶺南同學更會稱營多為「低調麵」（諧音：抵X麵）。

漸漸營多就成為大學生寵兒，
並將熱潮擴展至一般港人。

6.　食得多會肥？

係，真係好肥。
以每食用份量計算，
一個營多的能量為433 kcal，
食一個已經等於兩碗飯。

每次食營多都覺得營多好鹹？
無錯，每個營多含960毫克鈉，
食一個已是每日攝取量的48%，
食兩個已差不多爆棚。

至於總脂肪，
每個營多均含17克脂肪，
佔每日攝取量26%。

所以愛營多還愛營多，
都係唔好食太多啊！

相關文章

麥當勞12款已消失食品　懷念咖喱漢堡賣相？將軍漢堡醬汁？

OCamp搲sponsor血淚史

80、90後說話大不同？　10句識穿你係咪舊人類 

用Powerpoint教書令學生變蠢　早就應禁絕！

哪個星座最適合同組做project？獅子、白羊、人馬座？

大學Group mate揀錯豬隊友、Free Rider唔好喊

住hall4年大學生涯　總會遇到3種絕頂hallmate

見工Smart Casual代表乜？　Tee配牛仔褲又得唔得？