90後情侶30日鹿兒島走到福岡 「想逃離香港公式化生活」
![90後情侶30日鹿兒島走到福岡 「想逃離香港公式化生活」 90後情侶30日鹿兒島走到福岡 「想逃離香港公式化生活」](https://cdn.hk01.com/di/media/images/913297/org/a8f61191c538383d6a89c976e8ea5874.jpg/kDLG4bA1UCxEO3BsivbOByBqPp1j-EkWrwIPM68CDzM?v=w1920r16_9)
兩個年輕人,用了30日由鹿兒島徒步走到福岡,開設facebook page紀錄行程,獲大批網民讚賞「熱血」。本以為完成旅程已是最開心的事,但25歲的HaDee返港後卻認為,令她感到最高興和最感人的,反而是沿途所遇到的人和事。
![出走的原因有很多,「想逃離香港公式化嘅生活,去尋找簡單嘅未知數」。(受訪者提供圖片) 出走的原因有很多,「想逃離香港公式化嘅生活,去尋找簡單嘅未知數」。(受訪者提供圖片)](https://cdn.hk01.com/di/media/images/913298/org/307f60555fbbd159ff6c6d7256ec79f8.jpg/0luiwmh0smDrmMTJSGUPcQy1PBanh2kZFsYSPRbGEj0?v=w1920)
請點擊「全螢幕」觀看影片
逃離香港公式化生活
HaDee出來社會工作數年,已感到「做嘢做到滑曬牙」,徒步出走的理由很簡單,就是「想逃離香港呢個咁公式化嘅地方,感受下簡單嘅未知數」。
碰巧遇上廉航公司減價,HaDee和男朋友就雙雙辭職,踏上這看上去不可思議的旅程。
HaDee認為,徒步30日旅程並非偉大壯舉,但能夠堅持到完成,已經是她人生最值得自豪的事。
30日的旅程中,HaDee和男朋友依靠Google Map,動輒步行十多小時,換來的就是「頸痛呀、腳痛呀,同埋生水泡」。
唔可以辜負支持者
長路漫漫,HaDee笑言行路的念頭,是「想行咪行囉!」到達日本後,發現「行親啲路都系睇唔到盡頭」,上山落山,再轉幾個彎,支持著她倆的,就是「堅持」兩個字。「諗返起自己點解會想去行,或者系一直以嚟遇到過嘅日本人又好、香港人又好,都好支持,你就會覺得唔可以辜負佢哋。有呢種堅持,其實啲咩困難都唔系啲咩大不了嘅事。」
那麼旅程中最令她滿足的事又是甚麼?每日在山路行走十小時以上之後,「可以喺酒店攤喺一張又大又軟嘅牀上面,你已經覺得,譁真繫好正呀!」
難忘友善日本人
最感動HaDee的,大概就是友善的日本人。HaDee形容,「九成九舖頭啲人都會嘗試同我哋傾下計」,有人會請她們飲飲料,更有拉麪店老闆,得知她們徒步旅遊後,欣賞她們熱血和敢想敢做的決心,決定放下營業中的拉麪店,加入她們的一小段行程以表支持,最後更含淚揮別HaDee和男友。
HaDee指,曾想像如果在香港徒步旅行,「理我地或者八卦我地做啲咩嘅人可能就比較少」。 HaDee亦在旅程中遇到不少外地觀光客,在公共場所大呼小叫、垃圾不分類、霸佔著自助點餐機;令她不禁反思,「其實遊客可唔可以學下日本人嗰種,唔想打搞到人同騷擾到人嗰種心?」
性格變得更主動
除了反思如何做個精明遊客,HaDee亦認為這一次旅程令她成長不少;最明顯的轉變,是為人不再如過去般冷漠。「其實我覺得香港人都系偏冷淡,可能喺日本俾得太多日本人打動到喇,所以就知道原來一句關心或者一句鼓勵,都可以有好大嘅影響」。
對於不少網友在facebook專頁為她打氣,「原來睇落去好似幾冷漠嘅香港人,喺網絡世界都幾熱情」。
勸勉港人:想做就去做!
對於不少網友看過她的經歷後,紛紛指自己「無錢、無時間」,HaDee則指自己與男朋友兩日,整個30日旅程共花約三萬港元,每人摺合萬多元玩一個月,亦不算很大消費;她又寄語一眾想追夢的網友,「無論幾多歲,都可以做自己想做嘅嘢嘅,擺得愈耐就比得愈多借口自己,所以諗到就快啲去做啦!加油!」