女生才懂的浪漫 會同閨蜜「一齊沖涼、著佢條底褲」
一世人流流長，總會遇上幾個閨蜜。全盛時期的閨蜜，可以「一齊沖涼」，可以「著佢條底褲」。不過有些閨蜜，總會在成長時期失散，然後驀然回首，才發覺欠對方一句「對不起」。
「朋友，我當你一世朋友」，普通朋友之上，男生會稱為兄弟，兩脇插刀，閒時講女講錢，有時又老老土土；女生則叫做閏蜜，可以分享食玩買最新資訊，說說街頭碰見的靚仔，分享自己男朋友的不堪。
男人：閏蜜會煽風點火
《開罐Opener》早前在街頭訪問一眾年輕男女。男生眼中的閏蜜，認為她們的話題是圍繞「講男人」，又指她們會「煽風點火」，尤其在鬧交時，女朋友的閏蜜就飾演軍師的角色，控制女方几時嬲，幾時和好，「話你男朋友有幾衰，揾過個啦，You deserve better」就像控制棋盤中的棋子一樣。
女生：講嚇大家嘅男朋友幾蠢囉
女生受訪時則指多數會與閏蜜，「講嚇大家嘅男朋友幾蠢囉，同埋有幾唔明我哋嘅心意囉」。男朋友就像是一個沒完沒了的話題。其他話題則是「都系講人壞話同互mean」，說一些「你好肥要減肥」的真心說話。
全盛時期的閏蜜，兩個女生會「一齊沖涼」，因為去旅行時會怕黑。有些日子會去對方家裏過夜，可以「著佢條底褲」。
但閏蜜之間，也總有爭拗的時候。「同閨密有嗌過大交，因為我哋都對同一個對象有興趣，我又鐘意個佢，佢又鐘意，後來覺得對方真繫好重要，佢最了解自己，根本系無可取代，所以選擇同個朋友好返」。
失散的閏蜜 「想講一聲對唔住」
爭吵過後，有些閏蜜會因而消失不見，距離越離越遠。有一名大學生指，「嗰時仲細呢，諗野好幼稚，聽一句就發人哋大脾氣，又唔搞清楚事實呢，之後嗌交囉，所以無聯絡，好想揾返佢，同佢講一聲對唔住」。
「人生有個真正朋友的確好極」，人一生或許遇過的好朋友，10隻手指做得盡，每一個也得來不易，與其因為小事鬧翻不如想辦法跟她再做一次好朋友。
看更多街頭訪問：
