大學生6種Dem beat你不能錯過 睇過就知何為青春無悔
做過大學生嘅都知,一入大學一定要dem dem beat,美其名是增加歸屬感,實際上都是找個機會年少輕狂大叫一下,你諗下畢咗業之後,仲邊有幾十人甚至過百人,會同你圍埋一齊系咁叫?近日網民又熱烈討論那些年的dem beat,事實上,Dem beat可算是香港大學生創意的體現,但其實beat詞萬變不離其宗,你dem過嘅,又系咪屬於以下幾種?
過期大學生曾經的大學生,80後老鬼,身老心不老,自問玩盡大學3年,勁爆回憶同美好經歷,足以講足30年。

1. 意義不明型
以為dem beat內容一定很有意義?咁你就錯了有啲dem beat詞就算費盡心神理解都不太明白箇中奧妙
例如2016年恆管市場營銷學會的同學:
「我哋……啪啪聲,我哋啪啪聲,啪啪啪啪啪啪聲,我哋啪啪啪啪啪啪聲,X你老母啪啪聲」
嗯……
是要表達甚麼嗎?
2. 讚頌自我品格型
Dem beat大大聲當然是力sell自己的好時機港大同學仔就深明此道尤其是全男生宿舍大學堂和全女生宿生何東夫人堂Dem beat之餘亦要把握機會談談自己整齊清潔又賢良淑德提升出pool機會無人想自己A0 grad嘛!
「薄扶林有班男孩子,威威猛猛多muscle,斯斯文文唔麻甩,活活潑潑好精靈,香香噴噴無臭狐,乾乾淨淨少老泥」
「我哋何東姊妹自成一族,不但精明能幹做嘢爽快,我哋會煮糖水又會煲粥」
一聽就知呢班同學仔嫁得過同娶得過不過……唔知片中人而家睇返條片又有咩感覺?
3. 霸氣外露流傳後世型
講到dem beat大家腦海都會浮起一個經典beat深藍色的polo tee黃色的衣領那個笑容可掬的男孩「我哋一齊dem返個和聲beat,好唔好啊?」多年後再看片段也忍不住隔住個mon和應一聲「好!」
睇返Beat詞其實內容甚有意境「和盡天地風雲之聲 環抱山水日月之景婆裟樹影 人傑地靈 育和聲一代精英立和聲千秋美名 和聲!和聲!和聲!ush!」那麼為何這個和聲beat會被廣傳又被網民嘲諷?原因只有一個「唔夠霸氣」片內眾人好像未食飯,無乜氣力連最後一句「ush」也軟弱無力Dem beat節奏亦慢完全帶不出dem beat高昂亢奮的情緒大家睇片時,不妨轉用1.25倍速觀看感覺立即良好數倍
4. 人強馬壯型
Dem beat要有氣勢當然要眾集大量一齊叫City同學的Dem beat可算是表表者
每年O camp均會有大堆頭Dem beat由大組長牽頭數十人至近百人齊整的拍手、踏腳猶如軍人步操般有型
更有城大同學在如此盛大的dem beat中不惜坐輪椅上陣可見他們的心也流著dem beat的血
5. 「呯呯bak」型
Dem beat要dem得好除了要夠大聲拍手踏地亦是加強dem beat視覺及聽覺放果的方法不少dem beat均會以一下拍手一下踏地開頭之後邊dem beat邊拍手又踏地
哎啊只看影片也覺腳痛呢!
6. 唯我獨尊型
中大每年均會有特別的書院會師各書院會在beat詞內加入一些提高身價的內容彰顯書院語別不同以便「片人」(與其他書院較勁)
新亞書院beat詞便可反映:
「入新亞,中大四院我稱霸;望一下,逸夫崇基在腳下;冇有怕,聯合折埋過檔新亞;氣吞天下,稱王又稱霸!稱王又稱霸!稱王又稱霸 !新亞!新亞!新亞!新亞!」
聽見Beat詞也已經有種優越感,對嗎?你又dem過那些有趣或奇怪的beat?
相關文章OCamp搲sponsor血淚史80、90後說話大不同? 10句識穿你係咪舊人類 用Powerpoint教書令學生變蠢 早就應禁絕!哪個星座最適合同組做project?獅子、白羊、人馬座?大學Group mate揀錯豬隊友、Free Rider唔好喊住hall4年大學生涯 總會遇到3種絕頂hallmate見工Smart Casual代表乜? Tee配牛仔褲又得唔得?
你都想成為開筆一份子,稿件可電郵至opener@hk01.com;文章純屬作者意見,不代表開罐立場。