中學老師其實最Warm 4種老師希望你有遇過
老師絕對是地球上最矛盾的生物，他擁有多個分身，一時會如慈母般問候你，關心你頭髮過長、校裙過短、返學遲到；一時又嚴厲似道德判官，不讓你食煙飲酒講粗口；一時又變身朋友，和你搭膊頭打籃球。
回望讀了十幾年書，總有一個老師，令你掛住那些年的學生時代。
【點擊「全螢幕」觀看影片】
趁逢國際教師日，
《開罐》落街隨機訪問了
各位現職、過氣莘莘學子，
談談在中學遇過的典型老師。
「鬧你其實好緊你」型
「哇，我班主任管得我地好嚴，
講句粗口都唔得」，Sunny嘴邊刁著香煙說。
你有張良計，他有過長梯，
「整爛風扇 、垃圾筒
乜都比我地整爛過啦」，
被記小過、大過，
Sunny的成續表上滿缸紅。
「中學都係求開心，
我地讀書唔在行所以咪玩囉……
要威就要載頭盔
被罰都甘心嘅」。
面對Sunny這樣的一個頑童，
難以想像要使出怎樣的招數才能把他收服。
你以為喝罵有用嗎？Sunny不怕，
「我搵擦膠掟返個老師呀」。
結果被罰留堂，
由課後4時多開始抄書
抄至深夜11時。
班主任不忍Sunny餓著肚子，
請他吃完杯麵再送他離開，
就是這個小小舉動
感動了一個壞學生。
Sunny畢業後仍會回校探望老師，
「班主任知我係聰明嗰啲人，
叫我俾心機讀上去，
但我最尾都冇聽佢講」，
他現時在職訓局就讀高級文憑，
「雖然我未成材
但將來我一定都報答佢
請佢食飯」。
friend子型
會和學生「傾心事」的老師，
可遇不可求。
羅同學說老師會主動向他們打開話框子，
「傾啲八卦嘢多，同學是非，
爆人地啲戀情出來」，
談談校園內的風花雪月，
「有個阿sir啲肌肉都幾大架」、
「哇！你男神行過呀」。
畢業Last day當日，
就是考驗一個老師受歡迎程度的時候。
學生們會蜂擁而至到達教員室，
找相熟老師拍照留念。
Winky說和她班主任葉sir最熟，
記得Last day當天，
有同學大膽地強行脫下葉sir一雙鞋，
迫使他赤腳在課室內與學生們追逐，
結果大伙兒把他抱起，
如人球般向上空拋。
雖然葉sir教書時相當嚴厲，
但放學後就會變成好友般相處，
「佢成日話自己好靚仔，
又會畀自己個女嘅相我哋睇」。
暗黑型
無可否認，
有種老師總是特別衰格，
當中最衰格莫過於考試放流料。
陳同學說曾有中文老師在試前「畀貼士」，
「講到似層層，嗰一課一定會考咁」，
以為all-in集中火力專攻一定掂？
最後全班中伏不合格，
給他們上了一課，叫兵不厭詐。
不離不棄型
Miss Wong —— 在角落找出被忽略了的學生
張同學說自己中學時一向存在感特低，
上堂沉默寡言、又不多參與課外活動，
「默默做自己嘢，
聽完書落左堂就走嗰啲」，
但唯獨教英文科的Miss Wong留意到他。
有次張同學在堂上被抽問問題，
站立著的他啞口無言，
下課後Miss Wong主動為他補課，
「佢會好細心教返你，
幫我打返好英文底子」。
雖然DSE成續欠佳，
Miss Wong仍鼓勵他找一條適合自己的路，
「除了爸爸媽媽之外
得佢一個老師咁樣講」，
把學生當作子女般著緊。
籃球教練——亦師亦友的人生導師
「我哋好似爸爸爸爸咁叫佢」，
中學時阿毛不會打籃球，
但教練沒有放棄他，
反而從他身上看到另一種潛能，
「佢話你拍波射波都唔掂，
不如搵另一種你擅長嘅運動，
叫我試下學跑步」。
阿毛終成為了校隊的長跑手，
一次跑步比賽，
兩師徒雖然不能在同一個跑道上作戰，
但教練以這種方法鼓勵他。
「當時第一次跑15公里，
時間拿捏得不好。
他就一直跑在我後面，
鼓勵我加油。」
身教的影響力永遠最大，
「苦雖苦，知苦不苦。
難是難，但知難不難。」
教練的座右銘亦成了阿毛的座右銘。
更多【落街開訪】