男人的浪漫　沙田陳根記老闆：開心唔係一定要搵錢

位於沙田禾輋的陳根記遠近馳名，近百張枱，晚晚爆滿。以為老闆只顧數銀紙你就錯了，老闆周恆落手落腳，外表兇神惡煞，內心有如慈父，對大學生尤其愛錫，正如他說：「開心，唔係一定要搵錢。」
跟他聊天，你會發現有種男人的浪漫，名為「鐵漢柔情」。

【點擊「全螢幕」觀看影片】

講起男人的浪漫，
多數人會聯想到豆腐火腩飯，
不過陳根記最知名的菜式，
是Wasabi手撕雞、蠔餅、胡椒蝦、
燒乳鴿、椒鹽鮮魷、滷水拼盤等，
雖無火腩，但全是「佬味」十足大牌檔風味。

廚房傍晚5時半開爐，直至凌晨1時，
八隻鑊，全晚炒過百張枱的餸，
32年來幾乎年終無休，
老闆周恆晚晚現身：
「啲人問我點解唔休息呀，錢搵唔晒，
但我覺得開檔係樂趣，
有興趣先可以做足幾十年」。

老闆周恆外表酷似「江湖大佬」：
黝黑的皮膚、結實的右臂上
紋有一條青龍，
不時聽到他叉著腰大聲催促員工上菜。
外表兇神惡煞，內心卻更似一個慈父，
「我見到後生仔女好開心㗎」。

【小店故事】荃灣賺盡人情味拉麵店 日本老闆：窮人都食到日本嘢

每逢開學都會有大學生
就迎新活動向他「R Sponsor」(徵求贊助)，
「一年都超過10單啦」。
他豪爽地說：
「你食得幾多都俾你，
你飲得幾多都俾你......
可能我自己冇讀大學啦，
我好戳佢哋開心呀其實」。

大學生最鐘意「搵食」，
開sem飯、Re-U飯、過3飯，
大排檔主打平靚正，
一張大圓枱十多人也夠坐，
曾有中大生包下陳根記40多圍枱辦迎新宴，
逾四百人穿著soc tee開餐，
人頭費亦不過60元。

【良心小店】日本婆婆蝕本經營500円放題店 讓大家食飽就開心

周老闆說有人賞識最開心，
「開心，唔係一定要搵錢…
最緊要人頭，銀頭我唔愛，
多少我覺得無所謂」。

在Google上尋找陳根記資料，
大部份都是食評，
當中不乏台灣及內地旅客推介，
除味道好，也因為價錢「抵食」。

陳根記由一個爐頭十數枱，
開到現在八爐九十枱，
「人變咗、價錢變咗、款式變咗，
但我對客嘅熱情無變過」，
周老闆說待客之道一定有求必應，
「炒餸係手作功夫，唔係機器啤出來，
水準未必碟碟標準，所以有咩問題我係包換」。

【平絕港島】筲箕灣麵包小店日做17小時 $2.5菠蘿雞尾造福街坊

為保持水準，
周老闆經常留意客人有沒有「食剩」，
如有，他就要「QC」，
「如果個客食淨嘢，
我會自己食返睇下咩事
個客唔食一定有原因」。

力不到不為財，
57歲的周老闆「通坑渠洗地乜都做」，
由入貨、到開舖、上菜、下廚，
通通都落手落腳，
他自信地說：「我行過廚房，
聽下聲就知部抽油煙機有冇壞」。

馬鞍山夾糖小店被逼遷 23歲女頂舖做老闆：冇咗呢度我只係廢青

有人或會好奇為何陳根記老闆不姓陳，
原來有段故。
陳根記本是雲吞麵店，老闆叫陳耀根，
「我初初來係打工嘅，
做咗2、3年個老細唔做
就話不如頂畀我啦......
可能見我勤力啦，哈哈」，
「嗰時4千5蚊人工咋，
生借死借借返來頂手嘅」。

因為賣雲吞麵缺晚市生意，
嘗試加添小炒菜式，
「試下炒下野囉，
炒下生炒骨呀，炒下蜆，
每樣添啲添啲就演變成咁樣」。

「做咩都好，唔俾心機就玩完」，
成功沒有捷徑，只有經營。

【小店故事】元朗攝影老店8元一打學生相 老闆：做得幾耐就幾耐