【手工啤酒】上架路漫長 超市壓價難生存
「我比呢個價你，我真係生存唔到！」麥氏釀酒廠釀酒師阿德說。近年手工啤酒漸受歡迎，不過在超級市場及便利店卻鮮有它們的蹤影。小型釀酒廠希望啤酒可以上架，卻遇上壓價、繳付上架費，究竟手工啤酒要在主流超市上架有多困難？
「入去超級市場，其實我地plan（計劃）咗好耐。」
為了想更多人可接觸手工啤，
在超級市場上架，
是麥氏釀酒廠一直的目標之一。
麥氏釀酒廠老闆阿波亦指，
「如果你問麥子想唔想入（超級市場）呢？
我覺得呢刻，我哋係想入嘅」。
曾經有超級市場接洽麥氏釀酒廠，
允許他們上架，
但先要麥氏售出啤酒予超級市場，
讓超級市場轉售。
麥氏當時以批發價售出啤酒，
卻被要求壓價。
阿德憶述當時超級市場代表指，
「嗱你呢個係批發價吖嘛係咪？
你再低到八折啦，
我就比你上架喇！」
面對如此要求，
阿德亦感無奈，
反問
「我講明呢個係批發價，
係我地生存嘅基本需要嚟，
你仲要壓我地？」
超市堅持壓價，
背後可有原因？
阿德指當時超市代表稱，
「我哋（超級市場）個brand好大，
可以幫你哋提升你哋嘅名氣」。
阿德續指，
「佢講到淨係得佢幫到我哋，
但你下下都要我地上架費，
未見官已經先打八十，
咁我點去做呀？」
根據美國釀酒商協會（Brewers Association）
對手工啤的定義，
釀酒廠股份不可有多於25%由大酒廠擁有，
產量亦有限制，
故大部份手工啤酒廠都是小型產業。
「我哋係本土產業，本身（創業）個本唔算大」，
面對超級市場要求繳付上架費，
或是壓低批發價，
阿德直言
「喺呢一件事之後呢，其實我哋對超級市場都已經無任何嘅幻想住」。
可幸的是，
並非每間超級市場均有附帶壓價條款。
阿德指，
現時麥氏啤酒廠已在部份超級市場上架，
對方以拆賬形式計算售賣手工啤收入，
「咁就會好少少」。
阿德又指，
釀酒廠至今開業兩年多，
其心態亦有轉變，
不盲目尋找大超級市場上架，
而是轉為尋找「本身有value，有個概念喺後面」的超級市場，
希望「佢可以帶到啲嘢（上架平台）比我，
我都可以帶到啲嘢（品牌形象）比佢」。
手工啤故事還有：