【手工啤酒】三個八十後趁青春博到盡 棄office工開酒廠
讀書、考公開試、入大學、畢業後搵份好工，大概是不少人的成長之路。有三個八十後卻反其道而行，放棄舒適安穩的辦工室工作，決定由零開始創業開手工啤酒廠。世上無必賺的生意，釀酒師阿德則笑言「無嘢輸唔起」。「我哋有青春、有本錢可以燃燒嘅時候唔去闖，其實係好浪費！」
請點擊「全螢幕」觀看影片
麥氏釀酒廠於2014年開業，
三名老闆阿波、阿德和阿Mark，
當年每人投資十萬元開廠。
阿波和阿Mark是堂兄弟，
阿德則是阿波的中學同學。
創業不一定要「父幹」、「母幹」，
阿波指，
「而家呢個時勢如果做咗兩三年嘢，
我諗一個人應該唔難去儲到十萬蚊」。
沒有選擇打工之路，
阿波明言
「我唔適合follow人哋，
係咪要人云亦云，
做一份唔鍾意嘅工呢？」
阿波信奉的價值，
反而是訂好目標及明確方向「直接就行」，
故多找兩人創業，
「咁會快好多去到你自己想去嘅地方」。
釀酒師阿德笑指自己並非讀書材料，
會考只考到三分，自己喜愛電腦，
畢業後便晉身IT行業。
雖然上司明言
「捱多一年就升你職，人工double」，
但他不忿每日坐在辦公室「打工打到老」，
故縱然家人勸阻，
他仍決定試一次。
其實我覺得係我自己任性嘅，不過我唔搏過唔死心㗎嘛！
雖說如此，
但開廠的辛苦亦不足為外人道。
啤酒廠開業頭半年，
阿德幾乎是零收入，
「喂大佬，人地閒閒地出去，
唔好話咩啦，掃地呀，
都萬幾蚊一個月啦！」
阿德形容自己當時萬念俱灰，
但既然同伴亦選擇堅持，
便要堅持到最後。
因為你如果而家就放棄嘅話，咁你之前捱嘅咪白捱囉！
開廠之後，
阿德幾乎天天都在啤酒廠，
陪伴母親的時間接近零。
家庭與事業如何平衡？
阿德就認為有事業會令家庭更美好，
「我有少少賭博嘅心態，
博我媽咪有多廿年命……
而家我捱嘅，
係希望日後我媽咪可以更加幸福 」。
啤酒廠轉眼已開業兩年多，
麥氏成功在兩間超級市場上架，
亦由細廠搬大廠，
添置數個發酵缸、
轉以機器入樽及「打蓋」，
產量進一步增加。
阿德笑言不敢說已經成功，
而他下一個願望，
就是開一間屬於自己的酒吧，
「大家可以聽吓音樂玩吓、唱吓歌，又可以飲吓啤酒好開心咁樣」。
捨棄穩定工作創業，
要承擔一定風險。
但阿德認為自己尚算年輕，
即使因生意失敗負債，
相信花十年八載也可還清債務。
如果你60歲，就算你無錢，你可以好威咁同你個仔、或者同你個孫講，你呀爺喺廿幾歲嘅時候有間廠，間廠係我地自己打理返嚟，你已經覺得係無憾。
手工啤故事還有：