【讀OU你要知】本地生冇Hall住 想順利畢業記得交畢業費
講起公開大學，不少人第一時間會想起香港眾志黃之鋒，亦會想起在網絡間流傳的「OU唔係U？鯨魚唔係魚？」等語句。近年公開大學成為不少考獲17至19分文憑試考生的選擇，那麼大家對公開大學又有多認識？過氣大學生找來公開大學學生與大家分享。
過期大學生
曾經的大學生，80後老鬼，身老心不老，自問玩盡大學3年，勁爆回憶同美好經歷，足以講足30年。
1. 有咩讀
公開大學只有遙距課程？咁你就錯了。OU在科技、人文社會科學、教育及語文學、商業管理學亦有開設全日制面授本科課程，同學需回校上課，而非遙距睇片。當中護理學較為有名，設有普通科及精神科護理學榮譽學士課程，兩者均需讀五年才可畢業。
2. 易入難出
成功入讀OU的同學，別以為可以盡情玩、盡情走堂。OU課程出名「易入難出」，學生若在某些科目肥佬，校方會要求該學生resit該課程，否則不能畢業。
「Resit咪resit囉！咁又點？」轉一個膚淺點的說法，如果學生需resit某些科目，需重新繳付該科學分費用。每個學分費用因科目程度而異，基礎程度（科目編號字頭為0及1字）者，每學分學費大約需$975；而科目編號字頭為3及4字的高級程度科目，每個學分學費高達$1,180至$1,270。每個為期一個學期的科目，一般為5學分，如果要resit，便可能需繳付約$6,350學費。
不過，Fail也分為Fail-Retake及Fail-Resit，Fail-Retake需要重新交繳付5學分的重讀學費，亦需重新上堂，但若然是Fail-Resit，恭喜你，你只需繳交$220 重考費再次考試，而Fail-Resit的同學，亦可在lecturer同意下「sit堂」。
總之都係嗰句，努力讀書啦，你都唔想啲錢嘥咗喺啲咁嘅地方㗎嘛，right？
3. 有hon？無hon？
「讀degree未必有hon㗎！」OU同學仔深切提醒。「吓？無hon即係點？」JUPAS列表中，公開大學的學位均為「榮譽學士課程」，即「BBA (Hons) 、BA (Hons)、BLang(Hons)」等。不過亦有部份學士課程「無hon」，只需讀三年便可。
翻查資料，學士所需學分為120，而榮譽學士所需學分則為160。OU同學仔指，而即使同學最初選讀榮譽學士課程，但當已完成120學分後，便可申請「無hon」提早畢業。
那麼「有hon」及「無hon」有何分別？有指若繼續升讀碩士及更高等級課程，部份學校需學生的學士學歷「有hon」。究竟要否捨棄hon而換取提早一年畢業，大家好好思考吓。
4. 有無得借Grant loan？
可以。根據公開大學官網，全日制課程學生可申請「專上學生資助計劃(FASP)」，亦可申請專上學生免入息審查貸款計劃（俗稱Non-mean）及學生車船津貼計劃(STS)等。
5. 無hall住？
如果想體驗舍堂生活，公開大學恐怕不能滿足你。公開大學現時只提供予非本地生的學生宿舍，位於旺角山東街76號。至於本地學生，暫時就未能享用此服務了。
6. 畢業都要交錢
錢錢錢錢錢，咩都要錢。有OU畢業生同我分享，當年畢業時收到校方的信件，指「To confirm you graduation, please pay a graduation fee of HK$500, using the enclosed debit note」，學生畢業時，需繳500元畢業費，相當有趣。
亦有OU同學報料，畢業費巳經加價，今年八月畢業的同學仔，需交750元畢業費。
（你都想成為開筆一份子，稿件可電郵至opener@hk01.com；文章純屬作者意見，不代表開罐立場。）
【入U一定要知】
CU唔好穿過仲門 canteen食飯都有學問
CityU四不像唔好亂掂 坐輪椅都要Dem beat？
樹仁去得到看不到的LG5.5 最港最短sem break
Poly文青look係基本 Z座係毒X集中地？
港大最快點去中大？ 豬皮鬼一生只能聽一次
UST大學中的少林寺？校內有偷情小徑
BU著學袍扮Harry Potter 全人教育冚家X？
教大畢業帽咪亂摸 住Hall都有得揀5星級？