MegaBox ANICHI動漫一番街！旺角10大玩具鋪推薦、豪使利是錢花紅

MegaBox ANICHI動漫一番街！港九10大玩具鋪推薦、豪使利是錢花紅｜細路仔？利是錢、到手！大細路？今年有花紅！來來來，MegaBox 9樓新開ANICHI動漫一番街，幾乎全層變了動漫、遊戲、玩具店，唔會冇嘢買、只怕你搬唔晒。同場睇旺角區10大推薦玩具店，開年買玩具必去！

可能係香港第一條「日系動漫街」

MegaBox 9樓由2月7日起，將重新定位為「ANICHI動漫一番街」，是全港首個最大型一站式動漫文化集中地，足足2萬呎全部賣動漫、玩具、周邊、game、對戰卡，而除了買買買，場內還有遊戲體驗室、動漫直播室、巨型LED WALL，將來會有大型賽事直播、專題訪問等活動，動漫迷唔買都要去見識一下。

暫時數得出的作品有《ONE PIECE》、《龍硃》、《數碼暴龍》、《蠟筆小新》、《多啦A夢》、《高達》、《幪面超人》、《Ultraman》、《咒術迴戰》、《鏈鋸人》、《我推的孩子》、《SPYXFAMILY》、《葬送的芙莉蓮》！

👇2023年update版 10間旺角區玩具店介紹👇

推薦店 01｜Toys Ant 新品／懷舊一店齊全

女人街樓上玩具店Toys Ant 螞蟻玩具，鋪頭夠大、款式類型亦多，仲有一對貓女「家姐、細妹」做招財貓，畀女伴同小朋友同貓玩，你就可以慢慢買。店主喜愛80年代軍事科幻，高達、拉打、機械人合金，還有全港最近款的ACID RAIN figure。近年更開拓貨源做寄賣珍品舊玩具，又與Raretoyjapan合作開設專櫃，擺放市面極罕的「消しゴム」單色高達／星矢／筋肉人扭蛋公仔，以及其他懷舊玩具，似足去Mandarake尋寶。Toys Ant 螞蟻玩具／旺角通菜街89號通財大廈1樓（WhatsApp查詢：9087 0011）

推薦店 02｜精品玩具 突擊賣平價

在信和M層、1樓、11樓都有分店，平時做開預訂，也有現貨及劈價貨賣。精品玩具／旺角信和中心11樓1104室：5938 8267）(店鋪facebook圖片)

推薦店 03｜兆萬中心 大量神級名店

位於旺角舊行人區西洋菜南街尾旺角兆萬中心，近年已被定性為「劣食勇者塔」，但這個商場其實還是玩具聖地！香港大型日系潮玩集中地：日本動漫大師遊港必去的神級名店 Superman Toys（222鋪／2366 2688），店的的珍品收藏真的有值得一去觀摩的價值，各式怪獸超人膠品、medicom潮玩都很齊全；還有Hot Toys 成名前至今然健在的風水鋪Toy Hunters（218鋪／2388 4677），店內有各式美系玩具及HT自家的一些figure現貨，兩家名店全都位於兆萬2樓！

推薦店 04｜Toys Station 潮玩搪膠迷必去

想買art toys、Bearbrick？呢間在旺角經營近20年的潮物玩具店，不單有人氣熱貨賣，還與全球各地潛力新人合作，位於廣華街的雙層地鋪集賣場+迷你展覽區於一身，每星期都有新品抽籤發售，潮玩搪膠迷必去。Toy Station／旺角廣華街28號地鋪（2398 9341）

推薦店 05｜YM Studio 重女模型樓上鋪

位於旺角星際城市商場旁的9/F樓上鋪，由阿星及幾位熱愛模型的後生仔經營，除了科幻模型，又有戰棋兵仔賣，近年甚至開發自己的模型工具，家中沒地方砌模型，還可在此租locker、租位慢慢砌，另一特色是有美少女及貓貓鎮店，宅宅必去。YM Studio｜旺角山東街47-51號中僑商業大廈9樓905室

推薦店 06｜模型高手經營．模型先生 Mr.MODELER

在汽槍、遙控模型車店林立的「槍鋪街」旺角廣華街、好景商場後面的仁安大廈，返貨速度都相當快，而且在同區內算便宜。老闆本來做銀行，因多次在模型比賽中得獎，加上太太和兒子都支持且幫手看鋪，於是就轉行開模型鋪。如果看到老闆在店內，都可以向他請教製作心得。旺角廣華街一號仁安大廈8B鋪／6977 7450

推薦店 7｜樹皮天堂玩具部

樹皮本來是花園街好景商場內的一家game鋪，後來發大搞模型玩具，睇實佢facebook宣傳，時不時會有超筍價！旺角好景商業中心一樓24-25,37-38,55-57號舖 ／營業時間：星期一至日 17:00-21:00

推薦店 8｜千里達玩具模型

在洗衣街、亞皆老街那邊的一家旺角老字號，同時有遙控車、軍事、汽車、高達模型發售。定價或比其他店高一點點，但正好就適合你尋找市面已經賣清光的罕有貨色，難怪幾十年來都能經營下去。九龍旺角洗衣街125號地下／23950043

旺角番外篇｜行多兩步油麻地現時點

旺角玩具店如米鋪，或有好店未有提及。最後，教多一點點給外地來港的玩具迷，除了旺角區，多行幾步去油麻地還有現時店In's Point 商場，1、2樓幾乎9成都是玩具店，Toy Fans必去。