太古城買家稱收到風「樓價會跌」 撻訂70萬離場

太古城買家稱收到風「樓價會跌」 撻訂70萬離場
撰文:吳美茸
出版:更新:
樓價高企,竟有太古城買家不惜撻訂70萬元離場。(資料圖片)
樓價高企,竟有太古城買家不惜撻訂70萬元離場。(資料圖片)

樓市升温,二手樓價屢創新高,但被喻為中產屋苑之一的鰂魚涌太古城,卻罕有出現撻訂個案,買家不惜損手約70萬元離場,為該屋苑自政府上月收緊按揭後,首宗撻訂個案。

有市場消息指,鰂魚涌太古城綠楊閣中層F室,建築面積983平方呎,實用面積897平方呎,上月中以1,660萬元成交,實用呎價18,506元,買家在5月中政府收緊按揭前簽署臨時買賣合約,但卻在簽訂正式買賣合約前撻訂,預料損失約70萬元。

有報導指該單位買家,聲稱自己從事金融業,負責風險管理,上月購入太古城單位前,但因近期收到可靠消息,將有政策影響本港經濟金融及樓市,估計樓價會有調整,因而看淡前景,並將購入單位撻訂。現時該單位重新放售,業主叫價1,700萬元放盤。

太古城殘舊衰過新公屋?連登仔嘲:一出門玩復古 居民列優點反擊

撰文:謝茜嘉
出版:更新:

貴為全港「十大藍籌屋苑」之首的港島太古城一直深受置業人士歡迎,不過近日有連登網民認為,樓齡近50年的太古城外觀殘舊,「根本舊到仲衰過新起公屋」,形容「一出門口就玩復古」。帖文一出即引來網民爭論,有人認同看樓層電梯大堂照片「成個安置骨灰龕場咁」、「最初嗰批居屋都靚過佢」。不過有網民指出,太古城勝在位於黃金地段與配套完善,「配套好,落樓咩都有得買,地鐵站5分鐘,旁邊仲要商業區,喺成個港島返工都好方便」。

太古城於70年代落成,雖無住客會所,但商場、餐廳、康樂設施一應俱全,連接港鐵太古站便利居民出行。(資料圖片)

太古城70年代落成 配套一應俱全

太古城於70年代落成,首批單位1976年開售,整個屋苑共有61座,合共12,696個單位,實用面積介乎440呎至1,819呎。太古城雖無住客會所,但商場、餐廳、康樂設施一應俱全,連接港鐵太古站便利居民出行。

有連登網民認為,樓齡近50年的太古城外觀殘舊,「根本舊到仲衰過新起公屋」,形容「一出門口就玩復古」。(網上圖片)

連登仔:太古城舊到衰過新起公屋

有連登討論區網民以「太古城根本舊到仲衰過新起公屋」為題發文,分享一張太古城內部走廊照片,認為太古城樓齡大、幾近殘舊、走廊牆身設計過時,「入面裝修幾靚都好,一出門口就玩復古」。樓主不解太古城為何備受追捧,「太古城俾人吹得太大,畀盡美孚新邨level」。

太古城雖無住客會所,但有大型購物商場太古城中心,解決居民購物、用膳的需要。(資料圖片)

網民:講經咩?咪又係買唔起住

帖文引來熱議,有網民認同樓主,「我諗硬件上真係輸過公屋嘅,因為真係舊」、「住過新樓,雙層玻璃冬天暖笠笠,真係返唔到轉頭」。不過有網民認為不應以現今審美標準看待,「用依家嘅眼光嚟睇七八十年代嘅審美眼光,黑人問號」,又指出即使樓主認為殘舊,樓價依然高企,「講經咩?咪又係買唔起」,地段及配套同樣重要,「不嬲都係睇地段、配套,香港有咩地理位靚過佢、配套好過佢,又係佢呢個價位?」。

太古城連接港鐵太古站,便利居民出行。(資料圖片)

居民:買太古城係買鄰居

有太古城居民分享居住優點,「開心住緊,樓齡舊但係keep住有保養住落冇咩大問題,用料好隔音非常好,邊戶鬧交都唔會聽到,個積實用擺嘢方便,唔係開放式廚房,附近多嘢食又齊配套」。有人認為最重要左鄰右里都是高質素,「買太古城係買鄰居,一個律師、一個退休中學校長、醫生兩個,講緊我住緊嗰層」。

正在加載