金融峰會六星米芝蓮體驗　龍景軒、Caprice佳餚款待嘉賓｜溫多娜

金管局舉辦的國際金融領袖投資峰會，中環四季酒店舉行，金管局講明就算八號風球都仍然如常進行。中外重磅嘉賓特地來港參加峰會，金管局都好有心設宴款待貴賓。昨晚﹙11月1日﹚在M+博物館設歡迎晚宴，揭開序幕。

溫多娜今日﹙2日﹚現場所見，貴賓齊集四季酒店四季大禮堂，開幕前大家有傾有笑，心情完全無受惡劣天氣影響。峰會由九點至兩點半，金管局好貼心咁預備了兩餐給一眾貴賓享用。溫多娜趁峰會未開始時，都八卦吓金管局預備咗咩佳餚。

菜單上寫住六星米芝蓮餐飲體驗（Six Michelin Stars Dining Experience），所講嘅係位於四季酒店的龍景軒及Caprice兩間餐廳。金管局好有心思咁安排了早餐同午餐都有中式同西式食物，讓貴賓一次過享用兩間米芝蓮三星餐廳的美食。

在峰會上所提供的早餐包括鴨肝無花果撻、雪山叉燒包，再加個海鹽焦糖朱古力甜品。而午餐的主菜則有法國藍龍蝦伴椰菜花、羊肚菌百合炒澳洲和牛配伊麵卷，同埋，焗海爐魚配蘆筍及豆腐等。