鄭家純稱加辣「唔係幾好」　但料幾個月後樓價續升

新世界發展（0017）主席鄭家純指，政府加辣會令交投下跌，形容做法「唔係幾好」，但相信樓價不會大跌，市場需要幾個月消化政策後，仍難抵自住需求，樓價仍會上升。

若發展商負擔稅項　一手問題不大

至於一手新盤方面，他指只要發展商想賣樓，只要有能力「pick up」稅務成本，可助買家抵銷買樓成本。二手方面，純官認為劈價成交只是零星個案，對整體影響不大。

中資機構高價搶地　純官：無得驚

另外對於中資機構來港搶貴地，他指每間企業都可以投地「無得驚」，集團會按市況投地。至於與特朗普有牙齒印的純官，對於對方當選美國總統，他笑言「佢仲未上場」需要觀察其政策出台。