【溫多娜手記】螞蟻銀行CEO王瀾廣東話拍片　話希望幫到小微企業

螞蟻集團旗下螞蟻銀行（香港）今日正式開業，銀行CEO王瀾用廣東話喺社交媒體拍片介紹銀行，話銀行初衷係透過科技服務普羅大眾及小微企業，為香港金融科技發展注入新動力。佢講銀行啱啱起步，不斷學習、改善，就好似佢廣東話雖然「唔係好正」，但會繼續努力喎。

王瀾喺短片入面透露自己住喺香港3年半，初來好唔慣，見港人好有效率，喺茶餐廳入座到走人只係十幾分鐘時間，「打針都冇咁快」，而佢關注銀行可以點樣幫到地道雲吞麵店、大排檔等等努力拼搏嘅小微企業，讓小微企業用到唔受時地限制嘅網上銀行服務，係佢同一班同事努力嘅方向。佢希望可以聽到多啲用戶意見，令銀行可更了解佢地需要，更好服務社會咁話。