陳啟宗：「我係好鍾意熊市的人，覺得有好多機會」

熊市降臨，有人歡喜有人愁，恒隆地產（101）主席陳啟宗指，「自己好習慣、好鍾意熊市，認為有好多機會。」事實上，恒隆過去多次出手投地之際，就是市況跌至谷底之時，有機會用平價投地，自然歡迎熊市光臨。

被問到樓市何時見底，恒隆會否趁機出手投地，陳啟宗就大賣關子，稱「樓市幾時見底無人知」，但認為本港樓市短期「唔會飛得去邊，亦唔會大跌」，不過估計市道恢復的時間會較2008年金融海嘯長。

至於買地，陳啟宗指集團「每日都諗緊要增加土地儲備」，直言市況好「買到地的機會細，市況差買到的機會較大，但是否成事就未知」。

雖然，陳啟宗樂見熊市，但集團的業績亦備受拖累，恒隆地產去年純利大跌56%至43.9億元，末期息按年跌2%至5仙8角，全年股息則減1仙至7仙5角。陳啟宗解釋，派息略減主要反映董事局對未來市況不甚樂觀，被問及未來會否再削派息，他則指「不知道，6個月後再話你知」。

具體上，恒隆的租金收入按年升2%至57億元，但物業銷售收入按年大減89%至8.4億元，致使整體業績受拖累。另恒隆集團(10)去年純利跌53%至27億元，末期息派6角1仙，按年跌2%，純利下跌同因物業銷售大挫逾8成所致。