【武漢肺炎】東瀛遊﹕下午4時30分派1800個口罩　港人優先

武漢肺炎疫情持續惡化，引發全城市民瘋搶口罩。有上市決定向市民派發口罩。東瀛遊（6882）宣布，在今日下午4時30分於尖沙咀漆咸道南45至51號其士大廈5樓，派發1,800個口罩，會以派籌形式進行，每位可獲5個口罩，合共有360個名額，港人優先。

眼見疫情蔓延，香港口罩嚴重缺貨，EGL作為一間扎根香港嘅旅行社，為與大家共同抗疫，公司管理層啟動危急應變小組，近日馬不停蹄地聯絡日韓嘅合作夥伴，至今成功搵到2萬個口罩，並想盡辦法用最迅速嘅方式運抵香港，解決大家嘅燃眉之急。

公司又指出，衷心感謝日本茨城縣、德島縣及鹿兒島縣政府，以及前線同事全力幫忙，過去幾日係當地發散人手尋找物資。

公司表示搜羅到嘅第一批口罩，剛由日本導遊親自運送抵港，其餘口罩亦會係未來幾日陸續到達。為急大家之所急，會率先係今日（1月31日）為香港市民免費派發共1,800個合規格口罩。

由於口罩數量有限，可能未能滿足各位需要，敬請各位諒解。公司表示會繼續盡力搜羅口罩，與香港人共同抗疫，又請大家密切留意其Facebook公布。祝福香港市民新年好，健康更好。