【碌卡攻略】嚴選「靚卡」 如何賺盡信用卡回贈？
簽卡儲分、儲里數，已成為大部分港人每日的「指定動作」。不過，市面信用卡多如恒河沙，持卡太多難於管理，太少又無法覆蓋所有需要，究竟邊張卡最適合自己？《香港01》整合了市面上多張信用卡，按照消費、旅遊、飲食和萬用三種需要嚴選「靚卡」，等你從此出門帶少幾張卡，又可以一網賺盡！
上至名店買手袋，下至超市買棵蔥，日常生活中，去到邊都可以用信用卡解決。積沙成塔，一個月二、三千元卡數實在少不免。如閣下嫌積分儲極都好少，現金回贈又得「雞碎」？不妨試試以下3張信用卡︰
| DBS Eminent | Citi Rewards | BEA i-Titanium | |
| 賣點 | 網上/海外回贈額高 | 儲分、儲里數容易 | 門檻較低，優惠勝一般大學專屬卡 |
| 年費 | $2,000﹙首年豁免﹚ | $1,800﹙首年豁免﹚ | 學生全免 |
| 最低年薪要求 | $24萬 | $6萬至$15萬 | 無，學生專屬 |
1. 兩項回贈共高達$2400 —— DBS Eminent信用卡
星展銀行推出的Eminent信用卡，打正旗號專攻網上及海外簽賬客戶，除基本現金回贈6%外，新客戶更可專享迎新優惠，首6個月網上簽賬或海外簽賬最多可獲$100回贈，兩項優惠累計最多獲回贈$2,400，回贈率達8%，是全港唯一一張海外消費及網上簽賬均提供6%現金回贈的信用卡。但是，卡主謹記要在批卡後立即登記，並在個別單月內累積簽賬達$5,000元或以上方可享有以上優惠。
2. 超市買餸儲5倍積分 —— Citi Rewards
生活雜費一籮籮，少說也要數千元，如果每項繳費都可以儲分，隨時年尾可以去一轉旅行。花旗推出的Citi Rewards信用卡，簡直是日常生活洗費的必備佳品，不論去超市買餸、或自動轉賬交電話費等，都可以獲得5倍積分獎賞，生日月份再加送3倍至8倍積分，一般消費亦可享1倍積分，名符其實「去到邊儲到邊」。
雖然5倍及8倍積分優惠只限於指定商店使用，但範圍相當廣闊，基本上本港所有超級市場、百貨公司及電訊商都涵括在內，積分永久有效。而且，目前除了可以7折至9折積分兌換指定禮券，更可於優惠期內，每季度獲得額外消費獎賞。
3. 大專生恩物 免費換戲飛—— BEA i-Titanium Card
大學專屬信用卡，可能是你人生第一張信用卡——功能少少，優惠欠奉。想免年費而又優惠多多？東亞為大學或大專全日制學生而設的i-Titanium信用卡可能係你首選。發卡首3個月有機會免費換領UA院線電影禮券，再加上永久免年費，即使畢業後亦可以正價9折購買UA及MCL院線戲飛，對於未有收入的學生而言，小小補貼已算有交代。
另外，此卡於全港食肆、零售及網上簽賬均有現金回贈，食肆簽賬每$250可獲$2現金回贈，其他零售簽賬每$250獲$1現金回贈。換言之，即使同一班莊友食大餐Re-U，食足$2,500亦只能回贈$20，有點「雞肋」味道，但聊勝於無。