【溫多娜手記】「小巴大王」馬亞木開粵菜館　朱太話最鍾意呢味菜

人稱「小巴大王」的馬亞木，踩過界開粵菜館「八公館」，今日搞開幕典禮，仲請到立法會議員張宇人、金利豐金融（1031）主席朱沃裕、行政總裁朱李月華、思捷環球（0330）執行主席柯清輝，以及資深投資者蔡經陽做嘉賓撑場剪綵！

呢間粵菜館共3層，設兩層VIP房間的樓層，最大VIP房間是24人房。並由人稱「磁帶大王」陳秉志、喜悅飲食集團負責人歐滿棠做執董，由歐滿棠打理。

投資額達2500萬元

歐滿棠透露是次與馬亞木、陳秉志合共投資額達2,500萬元。他話是今次是希望在金融區內主打平民價錢，但不平凡的菜式。

而餐館命名都有深意，是《禮記•雜記上》，新聞稿稱公館是君之舍也，從前是指大戶人家的府第，是希望每位蒞臨用餐的貴賓有家的感覺。而「八」則寓意「發」，同時都係位於域多利皇后街8號的意思。

最好的更是八公館位置，鄰近中環中心，朱太原來之前已經帶朋友食左幾次，就話最鍾意食花雕蛋白蒸蟹，「做得好香，蟹好鮮」。