做個有公德心的乘客很難嗎?有港女日前乘搭城巴,一上車赫然發現座位和地上遺下薯片及假髮,她直言「嚇死」、「第一眼睇以為係人頭」,批評棄置這些物品在車廂的乘客無公德心,「當巴士係垃圾桶」。不少網民分享曾在巴士上見過假牙、疑似豬膶的內臟、冷氣機風位黏有香口膠等,帖文更引來城巴小編回覆,無奈道「Omg……咁小編請幾多個清潔同事返嚟掃車都搞唔掂」。
有港女日前乘搭城巴,一上車赫然發現座位和地上遺下薯片及假髮,她直言「第一眼睇以為係人頭」。(Threads圖片) 城巴車廂遺假髮 港女:第一眼以為人頭
該港女於Threads發文指出,「一上巴士就見到,嚇死,成個地下都係薯片,最恐怖係個假髮,第一眼睇以為係人頭」,批評「點解可以咁冇公德心,當巴士係垃圾桶咩」。照片可見,近窗座位上有兩個薯片包裝,後面座位地上有薯片碎、包裝紙、封箱膠紙,最嚇人是座位底下有大假髮,驟眼看到真的會被大嚇一跳。
網民指出巴士上不時有缺德乘客亂拋垃圾。(資料圖片) 網民分享更髒亂車廂場面
有網民留言表示,「好彩唔係搭通宵巴,見到個死人頭都幾得人驚」、「嗰個人一定係光頭」、「真是亂七八糟!」、「所以啲巴士好多曱甴」。
網民指出,巴士上不時有缺德乘客亂拋垃圾,「我噚日搭巴士,想校個冷氣,一伸隻手上去就望到有香口膠黐喺個冷氣風位度!即係每次吹風出嚟都要經過條友口中細菌先出嚟!」、「有次喺巴士,見到個阿婆喺度食瓜子、食橙,揼到成地都係,真係冇眼睇!」、「曾經慈雲山302發現過豬膶定係乜嘢內臟咁嘅物體,有血嘅」、「我見過一棚假牙,喺一堆報紙上面」。