拍拖半年驚聞要失掉半邊胸 乳癌女生：先想搞清男友要不要分手
當個專科醫生同我講要成個胸切晒嘅時候，我真係打咗個突，我本身都唔細吖，真係要切晒？
現年三十多的Janet，五年前確診有乳癌，算是年輕的乳癌患者。「沖涼嘅時候就摸到，幾接近皮膚表面，個質感係硬嘅，好似壓實咗嘅肌肉，結果最後做手術拎嚟係3.5cm。」也許是女人的第六感，從來都不作檢查的她，在某日夜晚，心血來潮地想摸一摸，找到那塊左邊有，右邊無的硬塊。
一般人面對病痛，逃避為先，「可能摸錯呢」、「瞓醒第二日無事」，她倒是有效率地把診斷、檢查連手術，於一星期內辦妥。「起初都係懷疑先，但第二日就去睇醫生，不論佢係良性定係惡性，佢存在咗就要處理，不過當時心底仲係打算佢係良性。」事件推進太快，沒空擔心，直到專科醫生拋出那道選擇題。
「其實醫生睇完份報告都係話有可能，都未確定，但就畀咗幾個方案我揀，一係就切開個胸拎腫瘤去化驗，驗到係良性定惡性再作打算；一係就成個胸切晒，之後可以再揀就咁縫埋，或做矯型手術。」一方面心存僥倖，另一方面選擇過於恐怖，選擇先化驗再算，結果還是驗出惡性。
【有條事業線】期待C cup卻大成G 34G女生：我不敢在男友前脫衣
【有條事業線】從拔罐豐胸到不再push-up 30A女生的放棄與接受
那時還以為只有切與不切選擇的Janet，沒時間考慮外觀，倒是先考慮男朋友的感受。
找了一個比較安靜的公園，隨便坐下，討論這關於二人將來的問題。「我係直接問佢，如果我無咗一邊胸，你介唔介意？」那時二人剛好交往半年多，是有感情但又未至於太深厚，誠如她一向快來快往的性格，醜話說在前頭，好比到他日談婚論嫁再說，那傷不能預計。
「我好記得仲叫佢返去諗清楚先講，唔需要即刻答我。真係諗清楚，介意嘅我哋就算、分開啦；我唔想到談婚論嫁嘅階段時先話介意，咁仲傷我。」怕另一半在意，怕他會介意外觀問題，一邊凸一邊平，看來有點不平衡；底蘊也源於她認為胸部就如女人的分身，沒了一邊，似乎就不再是個完整的女人。「不過我自己當時係唔敢諗，自己無咗個胸會點，一來時間好短，二來我比較擔心係，如果第時化療甩頭髮點算。」
「不過男朋友都好好，好快就答我唔介意。」交往五年多，二人準備於今年12月結婚。
【有條事業線】不「飛釘」才文明？女生解放乳頭被惡罵：咪又係雞
二選一以外，原來還有更多選擇，後來她找來另一位專科醫生，選擇完全不同。「呢個醫生就同我講，『邊洗切晒，傻嘅』。可能以前係有腫瘤就要成個胸切晒，依家就唔需要，因為有電療、化療輔助，咁我就鬆一口氣。」
得以保留胸部，但因為惡性腫瘤的關係，還要多捱一刀。「良性腫瘤可能係好完整咁有層薄膜包住。惡性腫瘤會似海膽，一支支咁伸出嚟，淨切腫瘤唔得，刺都要拎埋走，所以就要再切多少少。同埋個腫瘤都大，就要拎埋淋巴驗。」最後癌細胞沒入侵淋巴，手術後再做電療，連續吃藥五年，這件事就告一段落。
不如外界想像般，康復者不一定就只可以攤在病床休養，她一直活躍於不同戶外活動，行山、爬龍舟，也活躍於癌症基金會的癌協服務中心。唯一不同就是要提醒自己別再如從前的工作狂，休息與放鬆也是必要。「無著衫嘅時候會見到，因為會凹咗少少，醫生手勢好好，疤痕係好平滑，同埋係一個自己嘅經歷嚟，都無得話介唔介意。雖然唔想，但都發生咗，咁就去面對，唔好怨。」
根據醫管理2015年最新統計數字，乳癌、子宮體癌、卵巢癌及子宮頸癌均為本港女性十大常見癌症。癌症基金會將於2019年初開設全港首間以女性癌症為主題的關護中心，希望切合不同年齡層婦女患者的需要，讓每位患癌的女性及其家人無論在確診、治療期間及復康階段，均可以接受即時及針對性的支援，為她們紓緩症狀，改善精神健康。
《女生》總在你身邊，請立即下載《香港01》App