K11 MUSEA名潮食館爆疫近50人中招　醫生：帶孩子進餐要揀呢啲位

尖沙咀K11 MUSEA商場食肆名潮食館爆疫，截至3月2日為止，群組累計至少49人染疫。有兒科醫生指，在非常時期，若家長要帶孩子外出用膳，最好做足準備，小心選擇用餐地點及時間，餐廳坐的位置也要留意，更要減少帶孩子自助餐！

按圖即睇外出用膳防疫建議

鮮風量不足、食具感染致爆疫

K11 MUSEA商場食肆名潮食館近日爆疫，港大微生物學系講座教授袁國勇昨日（3月1日）到餐廳視察，指爆疫有兩大可能，包括短距離空氣傳播和食具交叉感染，形容店內空氣流動情况「很不理想」，鮮風輸送量僅達牌照要求的三分一。

熱水浸餐具非有效消毒方法

兒科醫生陳欣永表示，新冠病毒傳染性高，外出用膳，或到人多地方，如有確診者在現場，受感染的機會的確會因而提高。「尤其係帶小朋友，不論咩歲數，都會走嚟走去。最驚係周圍掂野，又未必控制到。」

他續指，要減低感染機會，最重要的是家長注意衛生，外出用膳不妨自攜食水及餐具。他又提醒，僅以熱水浸餐具，並非一個有效的消毒方法。「中國人好興喺飲茶用熱水浸一浸餐具，但其實實際用途唔會好大，好多時係家長嘅心理作用。如果用酒精、濕紙巾清潔，抹得嚟都要『捽一捽』，用力磨擦表面。」惟他補充，萬一餐具已被新冠病毒污染，仍然有機會中招。

按圖即睇自2月25日起患者曾到訪餐廳名單：（截至3月2日）

減少食自助餐　宜坐近窗口位戶外位置

陳醫生建議，在非常時期，最好暫時減少外出用膳。如要外出用膳，也宜預先好好計劃。「揀彈性時間、唔好太多人嘅餐廳。小心選擇位置，如果係短距離空氣傳播，坐近窗口位、戶外位置，通風都會好啲，唔會喺個好密封嘅地方食飯。家長可以帶定小玩具，盡量令小朋友安坐飯桌，等佢唔好走嚟走去。」

他又提醒，家長宜減少帶孩子進食自助餐。「自助餐一定係盡量減少，始終行嚟行去，就算戴晒口罩，多咗機會接觸其他人，感染機會亦更高。」

按圖即睇更多用餐防疫建議：

清潔餐枱、公用餐具

全科醫生鍾偉傑指，用餐前消毒餐具「絕對有用」，並建議利用70%酒精或70%酒精濕紙巾，清潔後讓其自然風乾。他提醒，用餐前清潔枱面同樣重要。「因為枱面都污糟，可能留底上手食客嘅唾液，清潔埋就更安心。」

他建議，不妨一併過消毒餐廳的公用餐具。「鹽樽、胡椒樽、飲茶用嘅茶壺，都係公家用品，好多人掂過，可以的話一併清潔。」

揀樓底高餐廳　傳統自助餐風險高

鍾醫生表示，要減低感染風險，宜選擇樓底高、設有戶外位置，通風較好的餐廳。「有得揀戶外位就最好，較安全，室內通風始終較差，增加病毒空氣傳播風險。但坐戶外都要保持1.5米社交距離，太迫嘅話會失去戶外嘅意義。」

至於帶孩子食自助餐，他認為要視乎自助餐的用餐形式。「如果係傳統自助餐，大家都出去攞野食，又未必記得帶口罩；食物攤晒喺度，食物夾又俾所有人掂過，風險就好高。」

「但而家好多餐廳都轉咗自助餐形式，你坐喺度，有侍應將食物帶到你面前，分俾你，風險就相對較低。唔係唔食得自助餐，都要睇返係邊類型。」他又提醒，飯前飯後也要戴口罩，只在用餐時除口罩。「食完之後，戴返口罩先好玩，就更安全。」

相關文章：K11 MUSEA名潮食館累計30人染疫　醫生教路帶小朋友外出食飯要咁

按圖即睇實測30分鐘自助餐人人皆中招

實際情況或更嚴重