【親子專題‧父子情】行山逍遙遊　「搓球」式互動　開啟溝通之匙

自入秋以來，這是個難得一見的行山好日子，以「秋高氣爽」來形容最為貼切。阿強一早接載爸爸與我到城門水塘一遊，冼爸在整個行車時間中亦保持緘默，下車後再戴上太陽眼鏡，像個行山專家，更覺「嚴父」的形象。想着如何打開話匣子時，不如來點設身的話題，此刻他笑着反問：「有冇行過港島徑孖崗山？……小夏威夷徑有咩好睇呀，BB路，得條水渠；以前行獅子山，現在不好行，有部分行到滑哂，由獅子頭行到尾啦……」看來，我啟動了他的引擎，對於行山之事娓娓道來，而我這個行山初哥，聽到一大堆不知名的地點則頓覺一陣暈眩，果然如阿強所言，行山就是一條開啟溝通的匙。

行山友唔易搵：冼爸的好友阿強

冼爸自退休後與妻子一起做運動，有游水，亦有行山，現時已行了十幾年。不過冼爸初時行山，小腿痛到不得了，「那時要敷跌打，行到小腿微絲血管都爆呢。」雖然有着辛苦的時刻，卻像是自信地訴說着一個輝煌的戰績；阿強在中學時期已經是露營等戶外活動為主，行山呢？則是8年至10年左右，但跑山居多，亦有參加不同賽事。一個跑山、一個行山，為何二人成為行山好友？冼爸追得上兒子的步伐嗎？

如果說薑是愈老愈辣，冼爸應是一個不一樣的辣薑。已是七旬翁，步伐輕快，從沒有慢下來的跡象，他已漸漸拋離我們。到達目的地時，兩父子正在等待我的到來，阿強易搵行山友，活力充沛的冼爸又如何？他說：「行山腳，有些是街坊啦，行山腳好難搵的，自己行多。」阿強立即回應：「要好似佢行得咁快，又要好似佢有時間先行得。」冼爸又回了一句：「其實講自己的路程，唔好行咁激咪得囉。」不過冼爸行得快的原因是因為一慢就會覺悶，這點有些像阿強為何選擇跑山一樣，行山，也要來點變化。

找個活動　不再你眼望我眼

為何父子夾到時間便會去行山？這是一個很現實的答案：「平時食完飯，然後你眼望我眼，唔係就一齊睇電視。」阿強放工後亦會盡量抽時間與家人食飯相聚，不過兩位長輩與阿強的作息時間不一，「佢地好早睡，8、9點就睡。」冼爸說：「係呀，早上5點去晨運，7點沖涼，食早餐，再出發行山，有時4點，有時7點行完。」阿強借勢來一句話：「我成日叫佢唔好行咁耐，又唔係比賽，行咁耐咁辛苦做咩。」冼爸以簡而有力的聲線回了一句「好普通」來把對話終結，可是阿強笑說：「但你一星期行3、4次喎。」這樣你一言我一言像乒乓球「搓板」一樣的互動是由行山建立而來。

冼爸喜歡行山，「吸收大自然，對身體又好，又山又水又綠，風景幾好。」他說落雨的話，就要坐監了，即留在家中，反而多做運動，精神也會好一點。阿強亦喜歡與爸爸行山，因為時而暢談，時而安靜專注地行山也可。那麼你們行山時會說什麼？阿強：「無聊野，都咁多年，咩都講哂。」冼爸：「係囉，所以就講下山山水水，風風水水。想到什麼就講，家庭的事都見慣見熟。」

如果要用一個形容詞來描述爸爸，你會用什麼呢？

阿強笑說很難呢，他回想與爸爸的相處及形象，以前他上學，爸爸返工，至少幫媽媽煮餸時，母子也有交流的時間；現在長大回家後，食個飯，爸媽就差不多睡，閒時交流的話題大多關於行山。爸爸在他心中的形象有勤奮工作、寡言、亦有如雀仔說話的時刻。爸爸則開朗地說：「又返去食飯，又顧家。好仔，好乖仔，一流！」此刻，反倒有點角色轉換，阿強像成人般收歛慎思，爸爸有如孩子般開朗敢言。

對於他們而言，結伴行山的階段可有所提升，阿強見爸爸健步如飛，於是與他報名參加了圖騰跑，組成親子2人隊，首次挑戰親子16K，希望爸爸了解現時的行山實事，亦可共同建立美好回憶。