【見習媽媽湊仔經】出差離開屋企十萬公里　心裏其實不好受

雖然一個人喺酒店，可以霸哂成張床，無中斷的睡眠， 但都不及半夜聽到有人叫媽咪，起身望吓，原來佢發開口夢， 又諗吓自己有份喺佢個夢中出現， 然後甜絲絲地嗦下佢哋陣「除」， 再趟回被窩咁溫暖。

喺外地工作， 就算忙極一有時間第一件事就打返屋企望下兩隻豬， 講咩都好，見到佢哋開開心心，同我講吓無謂嘢其實係我嘅原動力～ 放工如果咁好彩有時間買嘢， 打爆喼盡是佢兩個啲嘢，我諗⋯ 其實心理上我係想補償返我唔能夠陪係佢哋身邊嘅呢段日子吧！

今次出差之前， 哥哥見我帶住佢畫俾我條頸鏈佢問我：「係咪好似帶埋我地一齊去咁呀？」 
我答：「梗係啦！媽媽日日都掛住你哋！」
我見佢甜甜地咪咪嘴笑，我鼻酸咗酸！

見習媽媽湊仔經

80後的一對小情人，由14歲開始走在一起，一步一步走進婚姻殿堂。婚後誕下一對寶貝，踏上見習父母之路。 相信為人父母都是從孩子身上每天學習，陪伴他們一起成長，再次經歷快樂童年。