【親子熱話】網友貼長文鬧爆麻煩家庭　睇戲不停講嘢辣㷫全戲院

入得戲院睇戲，觀眾都希望可以完全投入享受戲院的環迴立體聲。不過如果你所聽的立體聲是包括小朋友與父母的聊天聲、膠袋聲、食薯片聲，都令人十分煩燥，更能專心睇戲。凌晨時分，有網友在facebook上載一篇以《一個小朋友，辣㷫全戲院》為題的長文，大呻他昨日在葵芳百老匯戲院睇戲期間被小朋友的發問聲、「配樂聲」、食薯片聲等所大為騷擾，直呼「好似冇睇過套戲咁」，不少網友也深感同情。

網民James的facebook中提到，他當日所觀看的是一部西片，名為《鄧寇克大行動》，講打仗時期的海邊戰役，整套戲也是戰爭的場面，英語對白，有中文字幕。被他鬧爆的一家三口剛好坐在他後排的座位，他指：「我後面傳來一位小朋友嘅歡呼聲，(開始啦，開始啦) 跟住佢老豆就答佢 (喺啦喺啦) 咬薯片聲，再嚟呀媽 (坐好啦，可樂飲唔飲呀) ……如是者，一路咁講嘢，食嘢，直到，真正播片喇…」

電影開始後，小朋友並沒有停止發言，開始十分鐘，小朋友就已經問了父母「點解嘅」十萬九千次，突然間在場有位男士忍受不了大聲表示：「你可唔可以靜啲呢。」安靜十秒後，一家三口仍然繼續如是，直至到完場。該網友又坦言第一次聽到所有觀眾不是在討論那部戲，而是在談論那家人。他說：「大家對呢套戲嘅結論都喺………小朋友講嘅嘢……{ 嘩！好大架呀，好勁呀！} { 打佢，打佢 } { 嘩！ 好大聲呀，好嘈呀 } { 點解要炸佢嘅 } { 嘩！ 點解架船會沉嘅 } { 咁啲人點呀 } 」

而網友James目測小朋友大概11歲左右，網民見到此文章後，紛紛提議鬧爆該一家人，更有網友坦言：「其實應該全院觀眾企起身，要求戲院暫停播映，開燈指正這個xx家庭，一係叫佢地收嗲，一係全院回水。」更有部分網民指不應該帶小朋友去戲院睇戲。