Netro拋水樽遊戲　放空治療法

農曆新年就到了，首先喺度祝各位讀者雞年身體健康、財運亨通、大吉大利、戰無不勝先！相信年輕朋友都要瘋狂拜年，應付長輩們「幾時結婚」、「幾時買樓」、「幾時生仔」、「幾時發達」之類一波又一波的人生問題難堪攻勢。加上必定不斷打牌，連下幾十個圈走唔甩，個腦轉數慢少少都應付唔嚟，絕對需要洗滌心靈、放空一下。由Kim Asendorf, Ole Fach及Jana Lange組成的數碼美術團隊Netro最近就推出免費online game"Water Bottle Flip 3D"，玩家在一個充滿Vaporwave美學的簡單幾何空間，在一款款灰色立方體前，以簡單操作方式拋蹲水樽，務求水樽落地時仍可直立，不過就算你要發洩地亂掟一通，拋棄到成地垃圾都無所謂，反正網絡空間遠離現實，最好用來放空避世。