星期一扮工｜Green Breakfast收割員扮工時間空肚睇書食早餐
撰文：楊美
出版：更新：
話說家姐有個天台小農莊，她叫我齊齊去做收割員，我知道有即摘新鮮菜食，當然心心眼，即刻跟隊去。昨天努力收割了一大袋羽衣甘藍和紅生菜，今日假期就當然要瞓到自然醒zzz......
肚餓啦！睡眼惺忪走入廚房，用過濾水浸洗部分羽衣甘藍和紅生菜，準備做一個Green Breakfast。
羽衣甘藍不留莖，只留葉，紅生菜切碎少許，配搭韓國彩虹車厘茄，綠色撞紅又撞橙，望到已經覺得好醒神。我加了和風沙律汁拌勻，酸酸甜甜夠清新。羽衣甘藍是super food，我用了幾片葉加牛奶blend了一杯「奶綠」，又搶眼又無人做色素，飲得好放心。
只食菜不夠飽，我再焗了幾個急凍版迷你牛角包，解凍後用180度焗10分鐘就出爐食得。
+1
安坐家中有熱辣辣的牛角包，又有爽脆的自家種沙律菜吃，太幸福啦。沙律菜要洗浸約20-30分鐘，就在這個空檔，翻開那本從朋友借來的《貓遊大澳》，空肚（等食）看書，吸收（圖文）的能力似乎更快。
（本文不代表藝文格物立場）