【爹哋哥手記】法國風情小圓帽béton ciré 港日品牌輪住學
撰文：投稿
出版：更新：
世界上，有樣嘢叫「似曾相識」。
可能係抄襲，可能係致敬，可能係巧合，可能全部都唔係。
問世間設計為何物？我爹哋哥先旨聲明，唔係玩踢爆，唔好問點解，真真假假只要相信它。
撰文：爹哋哥
法國巴黎品牌béton ciré推出圓形帽子Miki Hat，近年深受世界各地潮人所擁戴，呢頂介乎於Sporty Cap與Classic Hat之間款式，原來係取材自法國當地漁民和士兵常用帽子，難怪呢個趣獨特的設計，著名Select Shop如Luisaviaroma、Colette、HBX，香港Kapok等都有引入，而且熱門配色手快有手慢無，out of stock是常態。
+3
人怕出名，product怕sold out。自從béton ciré走紅時尚界後，市面上疑似設計愈來愈多，當中有不知名MK出品，亦有薄有名氣的日本和本地品牌。
日本中價時尚品牌「蝦你」，近幾季多次推出這種圓形款式的帽子，外型熟口熟面，最大分別是物料應用上——由100%全綿變成綿、尼龍與聚氨酯（polyurethane）混合體，市民大眾未必一眼分辨得出，至於帽扣則由béton ciré招牌魔術貼轉為皮革孖扣。
除了日本，爹哋哥發現本地薑「頭文字」都有類似款式，帽形設計萬變不其宗，一樣係圓身、厚邊和無舌，不過設計唔係重點，最精警的反而係Sales的推銷技巧，爹哋哥當日係店內拎上手觀察一下相似度有幾多%時，帽未睇真，Sales未及半秒已拋出一句：「呢種帽款設計香港搵唔到，最近都要去東京先有。」
嗰一刻，爹哋哥真心唔知點回應，事關早兩日先係灣仔星街見過今季béton ciré新款……
爹哋哥 PROFILE
人稱西九龍He-Man。
愛原創的創意，又愛翻版的創意。
唔想成為時尚橋頭堡，只想退休返骷髏頭堡。