【有freestyle嗎】上中國有嘻哈前　MC Jin串咀又柔情Hip Hop遺珠

一如其他中國選秀節目，《中國有嘻哈》以話題性和戲劇性贏得十三億人注意，找來歐陽靖（MC Jin）以幪面人身份參賽更加震驚700萬港人。
撇開「MC Jin要被潘瑋珀和吳亦凡評頭品足」不談，這位贏得7次BET Freestyle台主的參賽動機，亦是話題之一。有人說他為奶粉錢而靠向中國，又有人說他純粹是貪玩而參賽（像當年入TVB過劇癮一樣），亦有人指香港人當年不懂欣賞他，要回流美國云云。
我們都不是MC Jin肚裏面那條蟲，與其八卦猜度，倒不如重新欣賞他首張香港專輯《ABC》內，幾首特色舊作。
Hip Hop世界很大，MC Jin亦不只「ABC係我係我」。

最霸氣 真正Hip Hop

問心嗰句美國到Hong Kong／Hip Hop界有邊個為華人爭光／個答案係好明顯／除咗我有邊個有咁嘅條件
我贏兩次你就話好彩／贏四次你個口就要改／贏多三次根本就無得拗／你未見過MC咁把砲

若說《ABC》一曲是MC Jin的自我簡介，《真正Hip Hop》則是他的Hip Hop簡史，更加是他霸氣盡現之作。

單是第一句「Hip Hop唔係淨係Yo Yo聲」，已可說是所有Rapper和Hip Hop迷的心聲。從以前的壽X牌或安X敏，或是如今普羅大眾眼中，Hip Hop/Rapper仍是著得「鬼五馬六」，帽子要故意戴歪，口中只有Check和Yo兩字的後生仔。

Verse 1繼續像廣東話版維基般，以最地道淺白的廣東話介紹Hip Hop如何在70年代誕生；Verse 2則講述MC Jin自己怎樣接觸及愛上這種黑人文化，由學著瀨屎褲一步步走上Rapper之路。而最後一段更是一反他謙虛的常態，「你問心嗰句美國到Hong Kong/Hip Hop界有邊個為華人爭光/個答案係好明顯/除咗我有邊個有咁嘅條件」豈只是串得起有餘，至今更仍然適用——若然MC Jin在節目中向吳亦凡和潘瑋珀唱出這段，小弟第一個拍手掌。

最地道 飲啖茶

D糯米雞太熱所以我次次慢慢咬／唔該要一碟排骨 同埋嚟多兩籠鳳爪／D蛋撻唔夠熱 唔該你幫我叮一叮／請問D叉燒包究竟係焗嘅定係蒸

《ABC》全碟不乏MC Jin以半個外國人角度，對香港日常衣食住行所作出的觀察。食方面，外國人最感興趣的自然是飲茶和茶樓文化。《飲啖茶》中晨咁早起身等位、搭枱、叫點心再到爭埋單等整個飲茶過程，全被MC Jin濃縮於3分鐘中。「我有我 你有你/你飲香片我飲普洱/我哋根本就唔夾所以有得避就要避」押韻行雲流水，尾段模仿長輩上演「搶埋單」更加似到十足十。

最柔情 即食麵

喺我個世界　你係第一／啲水一滾　就差唔多食得(得啦)
頂籠五分鐘　由頭到尾／喺五分鐘我已經可以愛上你(係啦)
雖然我唔係乜嘢廚師／但係我好肯定你食咗呢一餐就會知
有你 我個天永遠唔會黑／如果你想嘅我加隻蛋都仲得

再惡死的Rapper也總有幾首慢板情歌傍身，何況是不沾劈友吸毒玩女（歌詞）的健康MC Jin。《即食麵》可說是一首「藉向出前一丁說愛你」的浪漫小品。雖然以電話通話聲開頭非常Old School，但正如冧女一樣，越老土越低B就越成功。「煮個麵俾你食」乃是TVB膠劇的老土劇情，但現實中卻依然深得女孩子歡心；「食親洋蔥我就蠢/如果口臭唔駛旨意同你打茄輪」無厘頭得來又有幾分番鬼仔趣味。至於「喺我嘅世界 你係第一/D水一滾 就差唔多食得」和「頂籠五分鐘由頭到尾/喺五分鐘我已經可以愛上你」，女仔雖然口講「無聊！」，但心中肯定紅都面晒。