【職場新人】求職第一難：不知自己想入邊行？你需要先畫這個表
撰文：Wantedly Hong Kong
出版：更新：
筆者試過好多份工，但都唔知道自己想做啲咩工作，唔係話試吓試吓就自然會知㗎啦咩？試冇錯係要試，但都要有方向咁去試㗎嘛，如果「盲摸摸」咁試法，真係唔知幾時先會搵到份啱心水嘅工。
當筆者意識到呢件事之後，就決定換吓個思考模式，嘗試將事情諗得簡單啲：
唔知道自己想做咩工種、industry，其實係好正常。既然係咁，就唔好諗得咁深入住，因為你一定會知自己唔鍾意啲咩，又鍾意做咩嘢！
於是乎，好快就會得出一個表，以筆者為例：唔鍾意坐死喺office、鍾意時不時要離開office做嘢；唔鍾意日日都對住啲spreadsheets、鍾意影相寫嘢；打死都唔做政府工……
筆者係呢個時候諗嘅嘢會practical啲，例如返工有得聽歌、著衫唔使咁formal之類都唔會寫落個表，事關呢啲好處只會當你見完工，甚至你入職之後先知道，所以大家都應該諗得實際啲，盡量會喺job description就見到嘅就最好。
當呢個表成型之後，搵工就開始有個方向，需要做嘅只係睇吓每一份工tick到個表上面幾多格，然後再決定apply邊份工。
最後，呢個過程真係需要好一段時間，所以唔太建議大家裸辭再進行，當然而家嘅weekend係比較忙碌嘅，唯有辛苦自己星期一至五，逐少逐少做。（但千祈唔好唔做呀！）
▼▼【相關文章．按圖放大率先預覽】▼▼
【職場技巧】在家工作無所事事？ 即學5個技巧執靚LinkedIn頁面
+8
+5
【Home Office】在家工作樂得清閒？ 5招執靚LinkedIn頁面助搵工【求職錦囊】搵工靠玩Facebook？3個非傳統求職方法助你覓得好工【求職】年輕人搵工看重薪酬、晉升 平台：傳統見工方式易失良機【求職攻略】見Headhunter切忌鬆懈！6個事前準備令你更快搵到工【職涯規劃】事業得於安穩、冒險取捨？ 70後：還有一處叫學習區
【本文獲「Wantedly Hong Kong」授權轉載。】