《 美食敢死隊 》懶人早餐恩物 毋須下廚 輕輕鬆鬆填飽肚肚
早餐對於每日都爭分奪秒嘅都市人嚟講，真係十分奢侈。但正所謂一日之計在於晨，早餐可以令人精力充沛，提高工作效率，可以話係一日之中最重要嘅一餐。但係唔少香港人根本冇時間每朝早起煮早餐，咁點算好呢？今日，兩位特派試食專員再次出動，為大家喺網上搜羅咗六款懶人早餐之選，全部毋須下廚，輕輕鬆鬆就可以填飽肚肚。
今次試食專員們透過直播模式，逐一開箱試食每款早餐，務求畀大家最客觀最真實嘅試食心得～想知道究竟邊款早餐最方便最好食？即刻撳入去上面嘅直播睇睇啦！
1. 歐扎克酸奶果粒麥片 領券價¥39.9 (原價¥64.9)
歐扎克果粒麥片喺小紅書APP上面嘅討論度十分之高，連內地女星周曉彤都大力推薦。歐扎克以[這次給你不一樣的感覺]作為賣點，聲稱同普通嘅早餐麥片不一樣。
一打開包裝袋，試食專員們都大嚇一跳，裡面竟然係滿滿大大粒嘅水果粒同酸奶粒。歐扎克採用咗真空凍乾技術，分別將藍苺、士多啤梨及黃桃融入酸奶粒，鎖住營養。除左酸奶粒之外，歐扎克係配料方面都落足心機，有草莓乾、芒果乾、提子乾、椰子片、燕麥果脆等更多配料。
滿滿嘅配料令口感更豐富更有層次，味道方面亦唔會偏甜，就算直接食;唔加牛奶都唔會膩！而且飽腹感強，除咗適合作為早餐之外，小編仲認為呢個絕對係作為減肥代餐嘅不二之選～
記得一定要領取¥25優惠券，到手價只需¥39.9(原價¥64.9)！
2. 五谷磨坊 奇亞籽穀物麥片 領券價¥29 (原價¥49)
第二款早餐之選同樣都係麥片，但呢款嘅不同之處在於添加咗獨特配方—奇亞籽。奇亞籽係一種有食材，其營養價值豐富，含Omega-3、維生素C、豐富礦物質、膳食纖維、蛋白質及氨基酸，能增強新陳代謝，幫助消化，增加飽腹感。而且，五谷磨坊走天然健康路線，不添加香精及色素，大家可以食得安心又放心～
果肉粒嘅大小雖然唔及歐扎克大粒，但裡面亦都有各式各樣嘅配料。無論配牛奶、酸奶、果汁一齊食都好適合，小編私心話你地知，配搭雪糕一齊食仲滋味㗎～
快啲領取埋¥20優惠券啦～
3. 三只松鼠 小面包早餐蛋糕 ¥36.9
三只松鼠係淘寶上非常出名嘅零食品牌之一，呢個小面包內裡夾住滿滿嘅乳酸菌，每吃一口都會溢出酸酸甜甜嘅乳酸菌。但係乳酸菌口味未必人人都會食得慣，而且每一包嘅份量都好少，正常人可能要食3-4包以上先會有飽腹感。所以小編認為佢比起早餐更適合當作肚餓時解饞嘅小零食～
4. 小白心裡軟 夾心吐司 ¥29.9
呢款夾心吐司總共有三種口味夾心，今次試食專員就率先試咗海鹽芝士口味。芝士味不夠濃郁，對於芝士控嘅朋友嚟講可能就會有啲失望。但勝在口感非常鬆軟，而且夾心嘅味道甜中帶一點鹹，唔會太膩，令人食唔停口，飽腹感強，兩位試食專員都一致推薦～
5. 休閒農場 夾心三明治蒸蛋糕 領券價¥20.8 (原價¥26.8)
休閒農場嘅三明治蒸蛋糕成功奪取咗兩位試食專員嘅歡心，試食專員們一致地將第一名投俾休閒農場。
呢款三文治造型嘅蛋糕仔外表上已經好可愛好吸精，而且口感鬆鬆軟軟，好似新鮮出爐嘅面包一樣，中間仲夾住分量剛剛好嘅夾心。兩款口味（藍苺味、芝士味）各有千秋，兩位試食專員都分別認為藍苺味或芝士味最好味～ 小編兩種口味都愛，實在選擇唔到邊款最好啊～好難揀啊！
最重要係！而家仲做緊買一送一優惠，買一箱500g蒸蛋糕即送你一箱！平均每箱只需要¥10.4咋！
記得領取埋¥5優惠券啊～
6. 港榮 奶香蒸蛋糕 領券價¥24.9 原價¥29.9
港榮奶香蒸蛋糕味道簡單樸實，但略厭清淡，蛋糕除咗淡淡嘅奶香味就並無特別之處。口感亦較休閒農場蒸蛋糕遜色，不夠鬆軟。如果愛好清淡嘅朋友不妨可以一試！
(產品資料以最新官方發佈為準)
(文章純屬作者個人意見，不代表香港01立場。)