葵涌昌榮路專線小巴撞女途人　傷者一度被困車底　腳受傷送院

今日（28日）上午6時56分，葵涌昌榮路近國瑞路，有專線小巴撞倒一名老婦。姓梁傷者（81歲）一度被困車底，由消防員救出，腳受傷送往瑪嘉烈醫院治理；警方正調查意外原因。

姓羅司機（78歲）在場稱，當時小巴停燈位：「轉燈（紅燈轉綠燈），無咩留意，佢（傷者）喺嗰邊衝過嚟，見到都收唔到。」羅續稱，老婦由車頭左至右衝出，沒被察覺：「佢喺嗰頭衝過嚟，（我）望前面無人，點會望咁鬼遠。佢又矮，個頭又喺呢度，點睇啫？！」幸當時車速不高，否則後果堪虞。