有片|德士古道爆水管湧3層樓高「噴泉」 車輛闖「水簾洞」洗車
撰文:左朗星
出版:更新:
今(27日)早11時許,荃灣德士古道近龍德街交界對開工地一條地底水管爆裂。從網上片段可見,現場狂噴約3層樓高「噴泉」,水花四濺,波及附近路段;有車CAM片更拍到途經車輛減慢「免費洗車」,車輛駛入「水簾洞」後,擋風玻璃即被水淹沒,完全看不到路況。
據了解,警方沒有接獲報案。有網民稱「噴泉」持續達兩小時,「個噴泉噴咗兩個鐘啦,仲未有人嚟閂水掣呀!」亦有網民稱「香港水繽紛」,又指噴泉可以為車輛免費洗車,「可以沖埋涼洗埋車喎!」、「真係停喺度洗下先」。但亦有人替車主擔心,戲謔:「鹹水就大鑊,仲要沖咁耐!」
根據水務署資料顯示,今日下午2時許開始,現場附近的環宇海灣及荃灣駕駛考試中心須緊急暫停食水供應,停水原因是「緊急維修水管工程」,預計11月28日凌晨4時許恢復供水。水務署亦提供臨時食水,水箱位置在環宇海灣2座、6座平台。
![hotline](https://01web-strapi.hk01.com/upload/entrance_banner_a5093e637d.jpg)