葵芳閣謀殺｜法團主席指疑兇斯文靚仔　失聯惹疑：我哋心中有數

葵涌葵芳閣發生謀殺案，63歲女子梁雪卿疑撞破賊人爆竊，慘遭對方用鐵筆重擊頭部致死。今日（16日）案件有突破性發展，據知疑兇是死者鄰居女兒的男友人，他疑用後備鎖匙入屋犯案，並在命案揭發前潛逃日本。

葵芳閣法團主席劉啟安今日受訪指，死者與同層一戶主關係良好，不排除生前曾將後備鎖匙交予該戶主保管。劉亦證實有一名男子寄住該單位，但戶主向街坊稱男子是其姨甥。劉形容該男子「靚靚仔仔、斯文有禮貌」，難以想像他是兇手。他指男子事後已經失聯，坦言「佢唔肯出嚟聯絡，我哋都心中有數」，又指如該男子是兇徒，「令到大家都好失望，大家都跌哂眼鏡。」

劉續指，該戶主育有一女，但女兒近年出國讀書，據知現時在英國工作；近3至4年有一名年約25歲的青年入住，戶主向街坊介紹青年是其姨甥。

據劉所知，該男子聲稱有意讀護理系，外表斯文，身形瘦削，雙手有紋身，平時出入會與街坊打招呼，頗有禮貌。命案揭發後，警方調查同層所有住戶，劉說：「我哋全層樓都搵晒，係無咗一個。」據知此人正是該戶主口中的姨甥。劉無奈指：「佢唔肯出嚟聯絡，我哋都心中有數，都好懷疑，嗰晚已經心中有數。」

劉表示，該男子已住在大廈多年，「佢出入係好正常，嗰日我哋都睇咗閉路電視，（當日）佢出入幾次」。他坦言：「如果係嘅話，令到大家都好失望，大家都跌哂眼鏡……我都好痛心，失咗我哋對佢既信心。」

有指涉案男子欠債被追數，劉啟安直言未曾聽聞或目擊有人追數及貼大字報，並指如有人上門追數、淋紅油或刑毀，屋苑管理公司一定會作紀錄及報警，但至今未見過相關情況。