葵芳邨斬人｜傷者「滴晒血」衝入粥舖求救　女職員：我手震晒呀！

葵芳邨昨晚（12月1日）發生的斬人血案，33歲男子在停車場捱斬後，負傷衝到附近一間粥舖求救。有女職員驚魂未定稱：「我手震晒呀，成個人做唔到嘢呀，又想嘔呀聞到啲血味！」她又指，擔心有其他人衝入店內，一直膽顫心驚施援，部份食客則被嚇至雞飛狗走。

粥舖一名女職員憶述，傷者並非熟客，當時他突然負傷衝入店內，「滴晒血！一個叫我報警，一個叫我攞嘢畀佢（傷者）止血！咁我梗係衝去攞嘢畀佢（傷者）止血先啦！」她指，傷者右手浴血，亦不清自己有否其他部位受傷，「佢（傷者）都暈暈哋咁，滴好多血！」

該名女職員猶有餘悸，口震震表示：「梗係驚啦！因為我驚放佢（傷者）入嚟，會有人衝入嚟吖嘛！我手震晒呀，成個人做唔到嘢呀，又想嘔呀聞到啲血味！」她邊擔心邊向傷者施援，傷者亦向她借電話致電家人。

職員指，當時有部份食客被嚇至雞飛狗走，部份人則被阻擋去路而「唔敢走」。據了解，事發時一片混亂，店內「辣醬」亦翻倒凳上，猶如與傷者血漬二合為一，事後職員忙於清理。