貝依霖涉IG推廣非法賭博網被捕　日前否認被包養：辛苦命要靠自己

網絡紅人貝依霖（Chantale）涉嫌推廣非法賭博網被捕，她近日捲入「被包養」風波，回應指「俾人包同埋包小鮮肉都係一種本事，你哋都唔知我渴望咗幾多年，辛苦命要靠自己。」不料事隔數日，就涉嫌在instagram推廣非法賭博網被捕。

警方今（28日）指，有不法份子利用網絡紅人（KOL）的號召力，金錢利誘他們在instagram等社交媒體宣傳非法賭博網。警方於本月21至27日在旺角、荃灣、將軍澳、灣仔及元朗區，拘捕7名年齡介乎20至30歲的本地女子，涉嫌「推廣或便利收受賭注」。

據了解，最近捲入「包養風波」的貝依霖（Chantale）是7名被捕KOL其中一人，她昨日（27日）在八鄉寓所被拘捕，現正保釋候查，須於12月中旬向警方報到。

貝依霖從2018年加入杜汶澤開設的網上頻道「杜汶澤喱騷」，之後被封為性感女神，她亦從不吝惜經常大曬迷人身材，今年更曾真空上陣推出限量NFT寫真。

她近日捲入「包養」風波，在Instagram寫道：「之前一直冇回應，因為我覺得好悶冇新意應該冇人信。其實都傳咗咁多年，包我嘅人你喺邊度啊？hello 出嚟打個招呼好嗎我搵你搵得好辛苦。唔好攞我喺節目講嘅topic出嚟作故仔na（啦），其實好多人都話識我㗎，嗰啲朋友嘅朋友，我連電話號碼都冇 ，又無單獨食過飯，可能唯一見過都係一大班人，唔知點解突然就好似同我好熟，講我好多嘢似層層咁。」

她更強調：「如果真係有嘅話我真係唔介意俾人講，因為俾人包同埋包小鮮肉都係一種本事，你哋都唔知我渴望咗幾多年，辛苦命要靠自己，好可惜不得不承認我暫時未有呢個本事。」