行山婦疑瀑布下游泳被洪水沖走　專家：暴雨下犯險屬不智

52歲姓楊女子與男性友人，於今日（8日）早上天文台先後發出黃色及紅色暴雨警告期間，到大埔橫涌石澗行山，兩人行至龍珠瀑布時更換泳衣游水，未料疑洪水暴漲將女事主沖走。有行山專家直言暴雨下市民根本不宜前往行山，身處瀑布下游水更是以身犯險，不知何時山洪暴發；一旦遇事，恐怕欲救無從。

攀石及山藝教練梁念豪質疑，「黃雨同紅雨仲去行山？為乜咁大雨仲要去先？」又直言：「無理由咁嘅天氣，仲落去瀑布游水，完全係不智！」他指橫涌石澗屬熱門遠足路線，「揀啱天氣」並不難行，但「落雨一定唔好行呢啲澗」；而龍珠瀑布水流急勁，「根本就唔應該落去游水！」

梁續表示，龍珠瀑布所以得名，皆因該瀑布「啲水係咁沖落嚟，可以打到啲石面有窿，好似一個個珠咁，身處當中游水更加危險，係唔知幾時會山洪暴發，完全睇唔到！」

他強調到效野公園遠足，任何時候都不應落瀑布游水，又提醒市民行山前務必留意天氣，若途中遇上天氣驟變下起暴雨，「應遠離溪澗，行返出大路或車路，甚至可以沿路拆返」。