車Cam直擊｜衝斑馬線險撞母女　紋身司機聲大夾惡　警接報拘人

斑馬線上行人優先，惡司機衝斑馬線還聲大夾惡，惹網民鬧爆！昨網上瘋傳一段車Cam短片，全長1分05秒，紀錄一名司機無品程度可以幾嚴重。警方事後接獲報案，了解後展開追查，並以危險駕駛罪名拘捕惡司機，並扣留涉案車輛亦被扣留作進一步檢驗。。

事發於昨午4時55分，一輛私家車停在大圍積存街一道斑馬線前讓行人先行，一對母女手拖手橫過馬路，一輛自訂車牌的平治房車沒依法停下，反而高速衝過，嚇得兩母女呆立當場，幸有驚無險，沒釀意外。

車Cam所屬的私家車不忿對方所為，待斑馬線行人走過後，追截該平治房車理論，手臂紋身的平治男司機聽到後面汽車響號聲，亮起死火燈後走出，他口罩拉低吸着煙，沒有表示歉意，反而聲大夾惡，破口大罵。

私家車司機據理力爭，「嗰度斑馬線嚟架嘛，咁人哋停喺度，我又唔係dup停特登，已經打咗死火燈話畀你知我停低。」紋身司機即兇對方：「喺咪玩嘢呀？」其後，平治後座一名男子走出，惡司機始上車離去。

紋身司機聲大夾惡，行為惹人討厭，網民紛紛口誅筆伐，「講多都晒氣，直接1823啦，等上庭個官慢慢同佢講」、「仲好意思落車，不過都好，影到佢真樣子無得搵人頂」。

經新界南總區交通部人員經深入調查後，於今日（26日）下午約2時，在荃灣區以涉嫌危險駕駛拘捕一名30歲姓羅本地男司機，而該涉案私家車輛亦被扣留以作進一步檢驗。該名姓羅被捕男子現已獲准保釋候查，並須於十月下旬向警方報到。