葵涌兇殺案｜死者種蕉贈街坊　鄰居形容夫妻好人：諗唔到係謀殺案

葵涌七旬婦涉嫌殺夫被捕，經初步調查73歲疑兇患有精神分裂及抑鬱症。住在案發劉家毗鄰的蘇先生對謀殺案非常震驚：「初初以為咩事添，都諗唔到係謀殺案。」他指劉翁會種植蕉、蔗，不時將作物贈予街坊，雖然疑兇較寡言，但整體「好好佢哋兩公婆，好平常，無乜特別。」

涉事劉氏一家三口居於麗瑤邨貴瑤樓高層單位。鄰居蘇先生形容「好好㗎佢哋兩公婆，好平常，無乜特別」，平時出入一定會打招呼，劉翁「好勤力周圍行，種下嘢」，收穫蕉、蔗，不時將作物贈予鄰居，疑兇劉太社交較少，蘇指與事主同住女兒出入會點頭。他對事件感震驚，「我初初以為咩事添，心諗無理由㗎喎，都諗唔到係謀殺案。」

事發於今日（25日）凌晨4時許，一名40歲女子報案，稱其母親在麗瑤邨貴瑤樓寓所內，用刀襲擊其父親。警員趕往拘捕涉嫌斬傷丈夫的73歲女子。男事主負傷制服妻子，將她按在地下，並奪去菜刀，惜終傷重不治，案件改列「謀殺」。經初步調查，兇徒患有精神分裂及抑鬱症，警方相信事件起因與她精神狀況有關，亦會循夫妻感情及家庭經濟狀況方向調查。