【打死人】案發重組 CCTV追賊直擊 車房工：佢仆低咗係咁發圍
昨晚（16日）有三名男子闖入大圍一間車房扑車，其後逃走。車房內三名職員追出，其中一名42歲何姓扑車男被擒，遭車房職員壓在地上，他其後死亡。香港01記者今日重返案發現場，找到追賊CCTV，及訪問有份參與追賊的人士，重組事件經過。CCTV顯示，有車輛在外接應扑車男。一度幫忙追賊的車房職員阿Tim指，事發時逾八人追截，何逃跑逾三條街。「見到我哋迎面嚟，就將件架生拋咗入泥斗！」何轉身離開時，被車房太子爺、職員及車友生擒，其間他自己仆倒、不斷掙扎呼叫。在旁的阿Tim兩度報警，警員遂他找人助制服，怎料警員到場，何已陷昏迷。
車房職員追賊經過
差人先生你快啲到，我哋真係撳佢唔住！阿sir你哋幾時到，（佢）瞓係到果個係咁發圍！
逾8名車房職員、車友助捉賊
目擊事發經過的車房職員阿Tim指，事發時，42歲姓何男子與另外兩名男子走進車房，兩人負責扑車，一人用手機錄影扑車經過。三人行兇後逃去。記者取得的車cam片可見，何未及登上私家車，自行向成全路方向逃跑，至成運路棄掉兇器，並被三名車房人士生擒。
疑犯將扑車「架生」拋入泥斗
「大家都係同行，見到咪幫手追，當佢好似賊咁追！」阿Tim指，當時他與三至四個同事幫忙追賊，車房太子爺及其朋友追了一個圈，阿Tim與同事則在後面街經過。其間，見到扑車男迎面走過來：「佢哋見到我哋迎面嚟，就將件架生拋咗入泥斗，然後係貨車邊走返出去，就畀太子爺捉到！」
何自己仆低後被擒
阿Tim表示，當時姓何的扑車男子自己仆低，之後就被擒。他先後兩次報警，當時何不斷「發圍」企圖掙扎。他第二次報警時稱：「差人先生你快啲到，我哋真係撳佢唔住！阿sir你哋幾時到，（佢）瞓係到果個係咁發圍！」
警員係電話講，咁你拍硬擋，搵多幾個人撳住佢喇！
透唔到氣、放手、縮開手呀！
之前一路都有反應架，差人一到我哋就鬆開，佢郁咗兩下，之後就冇反應喇！
何被三男制服後 不斷高呼：「透唔到氣、放手、縮開手呀！」
警員遂阿Tim找人 助制服疑犯
警員在電話回覆他指：「咁你拍硬擋，搵多幾個人撳住佢喇！」之後，車行太子爺聯同GTR車友、另一車房職員，三人將何按在地面。姓何男子當時被壓在地面，他不斷叫呼：「透唔到氣、放手、縮開手呀！」但當時無人相信。「之前一路都有反應架，差人一到我哋就鬆開，佢郁咗兩下，之後就冇反應喇！」他續指，警員到場時，何就沒有反應，之後警員及一名速遞員工幫助急救。
阿Tim：想不到，救人受牽連
「佢好好人架，好有道義，絕對唔係窮兇極惡嘅人！」阿Tim形容被捕的車房太子爺，兩人認識已有四年。另外一名被捕29歲姓鄭男子，為阿Tim伙記，他是維修員入職四年，「佢乖到不得了，好內向同獨立工作，咁就受牽連！」阿Tim有感，今次事件牽連鄭男，昨晚立即通知律師處理。