【颱風山竹】大埔人有愛！停課校巴不停工 「義載」 街坊返工

超強颱風「山竹」雖已遠離本港，但山竹帶來的後遺症仍困擾不少市民，全港塌樹處處、滿目瘡痍。工人漏夜鋸樹、修路，今日主要幹道和鐵路沿線已順利開通，巴士線大致恢復正常，惟部份路面尚未得到清理，市民出外依然困難重重。今早有網民在「大埔」群組上載照片及發文指，今早苦苦等候小巴時，一輛校巴突然駛至義載，令不少候車市民感動。原來適逢今日停課，校巴無須接載學生，有司機自發駛入未有巴士開通的地方，義務接載村民到火車站。

停課校巴義載　女司機逐站載人去火車站

該名網民指，他本來想要乘搭來往大美督及大埔墟站的九巴75K，惟該路線巴士今日仍未恢復行駛，故要等待小巴。豈知此時突然有一輛校巴駛至埋站，車上女司機即時喊話：「今日停課唔使返工，冇嘢做未揸㗎車入嚟囉！」網民於是馬上上車。網民更指，校巴女司機其後更「逐個逐個站」載人，直至整架校巴滿座，最終將全車人送出火車站。該名網民形容，乘客上車、落車均有多謝女司機。

網民點睇：

坐校巴去返工。。。你哋都算特別經典。。。

好多謝佢，我搭既時候佢話走咗4轉啦

我頭先排隊時都見到架校巴呀！好有愛呀 巴士未恢復服務 希望大美督有揸車既居民 如果揸車出開大埔 去小巴站義載一下其他居民

雖然我今日喺唔使返工，但非常感激呢位姨姨，向姨姨致敬