【颱風山竹．有片】四驅車無懼阻路輾越樹幹　圍觀者：真係得喎！

強颱風「山竹」襲港，港九新界多處水浸塌樹，道路嚴重阻塞。昨晚（16日）有市民在FACEBOOK群組「將軍澳」上載了一條短片。片段僅僅得16秒，但足以清楚闡明在災難環境下，越野四驅車的優越性能發揮。

片段初見到一條三線行車馬路被塌樹阻礙，一輛四驅車停在樹幹前幾秒。有在行人天橋上目擊的市民拍下此幕。其間，一輛客貨車從後駛至，發現未能通過，司機無奈調頭逆線離去。

拍片的市民更加以旁述：「低能仔呀，恃住自己係四驅車呀，以為可以過到！」然而，語未畢，四驅車便「霸氣」地從45度角打斜，先讓單輪輾過大約兩呎直徑的樹幹，繼而再讓其他車輪越過，輕鬆地脫困。該市民立即帶笑改口風：「真係得喎！四驅車果然唔同啲喎，嘿嘿嘿！」

就片段所見，現場似乎是將軍澳厚德邨近東港城對開，而從該輛霸氣四驅車的外型來看，相信是Suzuki Jimny。有網民看畢短片後恥笑拍片者：「最低能係拍片笑人嗰個」、「如果我係拍片既（嘅）......放上黎（嚟）會靜音條片......」、「樓主唔cut聲唔介意大家恥笑，呢啲真係為人民服務」。

亦有網民留言對四驅車表示讚嘆：「 大佬，車主等左（咗）呢個機會好耐，平時邊有得咁玩」、「買四驅車通常真男人來」、「買車千日，用在一時。專登試車架（㗎）傻仔！」