【盧凱彤墮樓亡】林二汶雙手合十　感謝關心﹕畀一啲空間妻子小余

歌手盧凱彤昨突然離世，其生前一眾藝人好友皆難以接受，兩日來四處奔波為Ellen打點身後事。至今日(6日)晚上9時許，at17師傅黃耀明、at17成員林二汶、何韻詩、岑寧兒在Ellen寓所嘉逸軒地下會見傳媒。

林二汶雙手合十，表示︰「兩日嚟多謝大家，辛苦大家，我哋響度處理緊身後事，呢個係一個好艱難嘅時候，所以請大家畀一啲時間我哋，好多謝大家一路嘅關心，我哋準備好喪禮嘅消息會即時通知大家，所以辛苦喇，畀一啲空間小余，大家唔好等喇，多謝你哋。」她說話時，黃耀明一直從後搭緊其肩膊，給予扶持。眾人並向傳媒鞠躬。

黃耀明亦補充︰「希望大家可以離開呢度，唔好阻住其他住客，有咩新消息會向大家公布。」

另外，較早前有兩名由深圳來港的歌迷，在嘉逸軒樓下擺放鮮花及一幅盧凱彤的畫作，並放下了不少白蠟燭，供其他到場悼念盧凱彤的歌迷使用。