【阿sir「抄牌」】軍裝查𡃁模伍淑怡攞電話　致電約飲酒對話曝光

警員疑借「抄牌」結識異性！29歲模特兒伍淑怡（YoYo），昨晚在個人facebook發帖文指，昨午在旺角街頭，被一名軍裝男警員截查身份證，並被「抄牌」要求提供職業、電話及地址，詢問能否「做朋友」。至晚上即接獲該名警員來電，相約上門飲酒談心。YoYo質疑事件中警員涉違反私隱條例及濫權，利用公務之便認識女子，並擔心會遭對方「揾上門」，遂在facebook呼籲「各位姊妹小心」，並在今日下午往旺角警署備案，及往投訴警察課投訴。
據了解，該名警員隸屬西九龍警區，相關警區正跟進調查事件。消息指，警方仍在了解詳情，但無論如何，若有警員在執勤時用警權取得市民電話後，將資料作私人用途，就已不對。

街頭截查　問可否做朋友：「你明架啦」

被軍裝警員「看中」的女子，為任職模特兒的伍淑怡。她今日向香港01記者透露，下午會往警署備案及投訴。據她昨晚上載至facebook的帖文指，昨日下午5時許，她途經港鐵旺角站附近，被一名軍裝男警員截查身份證，並要求提供職業、電話及地址。該名男警同時詢問她能否「做朋友」，又指「你明架啦」；最初YoYo表示「唔明」，返家後又收到該名男警的來電及WhatsApp，並在對話中有所暗示。

男警手上戴有婚戒

YoYo認為，該名男警相當離譜，皆因被截查時已發現男警手上戴有婚戒，WhatsApp的頭像亦是與妻子的親暱合照，似乎卻借助工作之便，明目張膽地「約炮」。她遂在朋友協助下，由朋友假扮她代為與男警傾電話，並將電話通話內容錄音，放上網公諸於世。

真係唔好跣我，我畀人出賣過一鋪

你唔信我咁算，收線喇

晚上來電被錄音　網上公開

帖文內有一條長約10分鐘的片段，其中聲音是電話錄音的內容；而畫面則是WhatsApp的文字對答。對話內容大致談天說地，主要是男方將得知女方的家庭、背景等。

男方在聲音初段早已講明「真係唔好跣我，我畀人出賣過一鋪」。女方則回應指「你唔信我咁算，收線喇。」男方對於女方肯給予電話號碼，最初抱有懷疑，女方則指「都係畀個電話你，都係八個數目字啫，咁可以點吖?」男方指「你可以拒絕」，女方認為「你拎咗個電話都做唔到啲乜嘢!」

你可唔可以畀張最靚嘅相我呀?

想見你，傾下計，上你屋企飲嘢吖！我買酒上來吖，聽日後日都OK

疑似男警：你都明啦，仲要普通呀？

男方隨即表示「咁我想識你吖嘛！」女方指「咁咪傾下計，做吓普通朋友」，男方即相當主動，「咁普通呀？你都明啦，仲要普通呀？你都識講要好秘密架啦呢啲嘢！」女方大驚說：「吓？」男方見對方驚訝即轉話題「遊花園」，談談養狗、工作背景、紋身等事宜，又問對方會否跑步運動等。

相約上女方屋企飲酒

男方又稱向女方「講心」，指早前因工作問題被同事出賣，女方安慰他「呢啲人唔好理佢啦」男方見對方關心他，即打蛇隨棍上「想見你，傾下計，上你屋企飲嘢吖！我買酒上來吖，聽日後日都OK」女方婉拒「我遲啲覆你啦，我可能約朋友睇波……」男方又問「你可唔可以畀張最靚嘅相我呀?」女方以「要沖涼瞓覺」打發對方，結束對話。

至於WhatsApp內容，男方曾問「你會唔會去投訴或者告發我？」女方回覆「我應承你我唔會」，然後打了一句「我只會放上網」的截圖，但沒有發出。男方到最後仍發出一句「其實我一直都信你」……。網上被公開的對話就此結束。

警方：會按既定程序公平公正跟進處理

警方回應指，警方已知悉事件，指會按既定程序公平公正跟進處理，並強調警方非常重視人員的操守，如證實有人員違規，定必嚴正處理。

被抄牌𡃁模有自殺前科

伍淑怡為本港模特兒，有「翻版謝婷婷」之稱，曾參演電影及參加ViuTV選美，亦曾推出性感寫真集，活躍於娛樂圈。她亦曾有數次企圖自殺的「前科」。其中，於去年1月，她曾在facebook上直播企圖跳海，危站在海邊自拍，言論間透露自己患有抑鬱，不時稱自己「好辛苦」。她隨後被發現在觀塘海濱花園對開海面，獲救送院；另一次則在2015年10月，她在牛頭角寓所內割脈企圖自殺，並將流血相片放上facebook。親友見狀代為報警，救援人員趕至破門入屋，發現她已倒臥客廳，立即為她止血及送院。

求助網站和熱線

香港撒瑪利亞防止自殺會熱線 : 23892222

醫院管理局精神健康專線 : 24667350

東華三院芷若園熱線︰18281

撒瑪利亞會熱線︰28960000

​學友社學生熱線：25033399

社會福利署熱線︰23432255

生命熱線 : 23820000

伍淑怡在網上張貼的原文：
「今日下晝五點左右，我係旺角行緊落地鐵站嘅時候，突然俾個軍裝警截停咗要查身份證，其間問我咩職業，電話同地址，跟住就問可唔可以同我做朋友，咁我見到佢手上有結婚戒指，就問佢：「咦，你結咗婚㗎啦喎。」差人哥哥就答：「咁得唔得先，你明我明㗎啦。」我唔知頭唔知路，是但答咗句：「我唔明喎，係咁啦，拜拜。」。
初頭我都無咗回事，點知我一番到屋企食食吓飯，就收到個唔識嘅電話號碼打嚟，我問佢：「你係邊個？」佢就反問：「乜你今日俾咗電話好多人咩？」我就即刻諗到佢就係差人哥哥。我就話：「我食緊飯，唔講住。」佢就話：「咁whatsapp啦。」
跟住發生嘅事就如下圖同埋錄音。
其實我有諗過好唔好將呢件事放上網，因為佢已經知道我嘅電話地址、甚至身份証等個人資料，佢要搞我其實好易。不過我最嬲嘅係佢戴住隻結婚戒指，連whatsapp個icon都係同佢老婆嘅結婚照，但竟然可以咁明張目膽去約炮，遇到咁嘅警員我只可以放上嚟俾各位姊妹小心吓。男人？哼！
PS1: 電話係特登搵朋友幫我講，把聲唔係我
PS2: 如果我唔蒲頭，即係我已經俾人尋咗仇」